Россия президенти Владимир Путин давлатга хиёнатда айбланиб, 7 йил муддатга қамалган Оксана Севастидини афв этди. Бу ҳақда ҳуқуқий маълумотлар порталида келтирилган фармонда маълум қилинган, деб ёзмоқда Кун нашри.2016 йилнинг декабрида Сочи шаҳрида истиқомат қилувчи бу 46 ёшли аёл жосуслик кўринишида давлатга хиёнат қилганликда айбдор деб топилиб, жазони умумий колонияда ўташ шарти билан 7 йиллик қамоқ жазосига тортилганди. Суд жараёнига аёл томонидан 2008 йилда юборилган 2 та смс-хабар сабаб бўлган. Аёл 2015 йилда ҳибсга олинганди.
У ўз қариндошига 2008 йили Краснодар орқали Абхазияга танклар йўл олгани ҳақида смс ёзгани учун 7 йил муддатга қамалганди.
2016 йилнинг декабрида Россия президент матбуот анжумани вақтида Севастидига чиқарилган ҳукм «етарлича шафқатсиз» бўлгани ҳақида гапирганди.