Яман жанубидаги Зинжибар шаҳрида рўй берган портлаш оқибатида камида 8 киши ҳалок бўлди. Бу ҳақда «ТАСС»га таяниб «Дарё» хабар бермоқда.Миналаштирилган автомобиль 24 февраль, жума куни эрталаб Найда ҳарбий лагерига киришдаги назорат-ўтказиш пункти яқинида портлади.
Шундан сўнг хавфсизлик кучлари ходимлари ва лагерь ҳудудига ўтишга ҳаракат қилган жангарилар ўртасида тўқнашувлар бошланди.
Мазкур ҳодиса учун жавобгарликни ҳозирча ҳеч бир террорчи гуруҳ зиммасига олмади.