Янги йил кечаси куни Истанбулдаги тунги клубилардан бирида теракт содир этган шахс воқеадан 16 кун ўтиб, Эсенюрт туманида қўлга олинганди. Террорчи Абдулқодир Машарипов ушланган вақтда унинг қўл телефони ва ноутбуки полиция томонидан олиб қўйилди ва текширилди.Ноутбукдаги маълумотлардан аниқланишича, Янги йил кечаси Истанбулда иккита теракт уюштирилиши кўзда тутилган. Бу ҳақда “Haber7.com” сайтига таяниб “Qalampir.uz” хабар бермоқда.
Компьютердаги овозли ва матнли хабарлар орқали 5 та терактдан иккитаси Истанбул шаҳрида амалга оширилиши режалаштирилгани аниқланди. Улардан бири тунги клубдаги теракт бўлса, иккинчиси бошқа жойда содир этилиши керак эди.
Айни вақтда полиция иккинчи террорчини қидириш ишлари бошлаб юборган. Абдулқодир Машарипов юрган Зейтинбурну ва Башакшаҳардаги барча кўча камералари ёзувлари синчковлик билан ўрганилмоқда.