Ҳиндистоннинг Маҳараштра штатида жойлашган кимё заводида портлаш юз берди. Бунинг оқибатида камида уч нафар киши ҳалок бўлди. Ўнлаб кишилар тан жароҳатини олган, деб хабар тарқатмоқда “RIA Novosti”.Портлаш штат пойтахти Мумбайдан 50 км нарида жойлашган Домбивали шаҳрида содир этилди. Заводда сув иситадиган қурилма портлаб кетган. Кейинчалик ёнғин чиққан.
ANI агентлиги қурбонлар сонини уч киши, жароҳатланганларни эса 20 киши деб хабар берган. NDTV телеканали берган баёнотга кўра, бир киши ҳалок бўлган ва 150 киши тан жароҳати олган.