Тилла тишлари бўлган қозоғистонликлар хорижга чиқишда муаммога дуч келишлари мумкин, деб хабар берди “Мегаполис” нашри.Айни пайтда Қозоғистондан олтин сақловчи хом ашёларни четга олиб чиқиш тақиқланган. Бу тақиқлов 2015 йилнинг охиригача амалда бўлади ҳамда муддати узайтирилиши мумкин. Газетанинг ёзишича, олтин сақловчи хома ашё кенг тушунчага эга. “Қимматбаҳо металлар ва қимматбаҳо тошлар тўғрисида”ги қонунга мувофиқ, хом ашё маҳсулоти деганда нафақат руда, балки лом ва қимматбаҳо металлар чиқитлари ҳам тушунилади.
Яъни бундай тақиқланган буюмлар рўйхатига тилладан тайёрланган стоматолик коронкалар, заргарлик буюмлари, электрон техника деталлари, микросхемалар ва трансизторлар кириши мумкин. Агар қозоғистонликлар хорижга ушбу буюмлар билан чиқмоқчи бўлсалар, кўринишича, унда улар қимматбаҳо металларни ноқонуний олиб чиқиб кетаётганликда айбланиб, жарима тортилишлари мумкин.
Манба: www.kun.uz