«Замин»ни Telegram’да ўқинг! Join!
Zamin.uz
, 29 2024, 01:22
ЎЗO‘Z

Депутат: Автомобилларга давлат рақамлари берилишидаги камчиликларга қачон чек қўйилади?

24 сен, 11:48 3 216 Авто
«Замин»ни Telegram’да ўқинг!
Депутат: Автомобилларга давлат рақамлари берилишидаги камчиликларга қачон чек қўйилади? Ўзбекистон Республикаси Президентининг 2017 йил 11 июлдаги қарори асосида мамлакатда 2017 йилнинг 1 сентябридан бошлаб автотранспорт воситалари учун харидоргир ҳарф ва рақамлар комбинациясига эга бўлган давлат рўйхат рақамларини оширилган тўлов ставкалари бўйича, шу жумладан кимошди савдосини ўтказиш йўли билан танлаш тартиби жорий этилди.

Олий Мажлис Қонунчилик палатаси депутати Умиджон Сулаймоновнинг ёзишича, бу янгилик аҳоли томонидан илиқ қарши олинди, барчага ўзининг имкониятига қараб ўзи хоҳлаган харидоргир ҳарф ва рақамлар комбинациясига эга бўлган давлат рўйхат рақамларини танлаш ва аукцион орқали шаффоф ва рақобатдошлик асосида харид қилиб олиш имконияти яратиб берилди. Бир сўз билан айтганда адолат таъминланди.

Ўз навбатида, ушбу тартиб жорий этилиши натижасида Давлат бюджетига қўшимча маблағлар келиб тушиши таъминланган. Ўтган икки йил мобайнида унинг ҳажми 250 миллиард сўм атрофида бўлди.

Қайд этилишича, энг асосийси, бу тартиб жорий этилиши билан соҳада турли коррупцион ва суиистеъмоллик ҳолатларга ҳамда аҳолининг норозилигига барҳам берилишига эришилди.

“Лекин бизнинг “ишбилармон” айрим шахсларимиз томонидан мазкур соҳада бошқа йўллар орқали “ишни битириш” ҳолатлари ихтиро қилинди.

Жумладан, Қонунчилик палатаси депутатлари томонидан автотранспорт воситаларига давлат рўйхат рақамларини бериш амалиёти яқиндан ўрганилганида мазкур соҳада бир қатор камчиликлар ва муаммолар борлиги аниқланди. Яъни, бугунги кунда аукцион орқали сотилмайдиган айрим давлат рақами белгиларига нисбатан аҳолида юқори талаб бор. Кўзгусимон ҳамда иккита кетма-кет бир хил рақамли (масалан 117, 171, 177, 272, 515, 717, 727 ва ҳоказо) давлат рақами белгилари талабгир ҳисобланмоқда.

Бундай турдаги давлат рақами белгиларини беришда шаффофликнинг йўқлиги, ички ишлар органлари ходимлари томонидан навбат асосида бериш қоидасига ҳар доим ҳам риоя қилинмаслиги, жойларда таниш-билиш, турли кўринишдаги “илтимос”лар орқали “ишни битиришга” олиб келмоқда. Натижада коррупциоген вазиятни юзага келтирмоқда. Хусусан, “чиройли” давлат рақами белгиларини у ёки бу шахсга бериш тегишли бўлинма масъул ходимларининг хоҳиш-истагига боғлиқ бўлиб қолган”, - деб ёзади депутат.

Билдирилишича, мазкур масалани бартараф этиш ва аҳолидаги норозигарчилик ҳиссиётини бартараф этиш мақсадида Олий Мажлис Қонунчилик палатасининг қўмиталари томонидан Ички ишлар вазирлигига 3 марта тегишли қарорлар асосида таклифлар киритилган.

Жумладан, давлат рақами белгиларини бериш тизимини қайта кўриб чиқиш ва қайси фуқарога қандай рақам берилишини компьютер ихтиёрига қолдириш, ҳамда “чиройли” кўзгусимон ва талабгир рақамларни кимошди савдоси орқали танлаш тизимини жорий этиш бўйича таклифлар берилган.

“Бироқ, шу кунга қадар бу соҳада ҳеч қандай ўзгариш кузатилмади. Ҳанузгача “фалончи ака” ёки турли “илтимос” орқали ишни битириш амалиёти сақланиб, ривожланиб келинмоқда. Бу эса ўз навбатида соҳада турли шубҳаларга, коррупцион ва суиистеъмоллик ҳолатларига сабаб бўлмоқда.

Барча соҳа каби ушбу соҳада ҳам биз адолатни, шаффофликни таъминламас эканмиз ривожланишда турли тўсқинликларга учрайверамиз”, - дейди Умиджон Сулаймонов.




Мавзуга оид янгиликлар
  • UzAuto Motors автомобилларидан бирига шартнома беришни бошлайди 28 мар, 18:02 178
  • АҚШ автомобиллар учун тарихдаги энг қатъий экостандартларни жорий этмоқчи 24 мар, 06:09 101
  • “Бу ўзбекистонликларни аёвсиз талаш дегани” — фаоллар электромобиллар импортига чеклов қўйилишидан норози 19 мар, 18:02 893
  • UzAuto Motors нархлар ошмаганини маълум қилди 12 мар, 18:23 184
  • UzAuto Motors автомобиллар нархи оширилишини эълон қилди 12 мар, 16:09 320
  • Энди транспорт воситасини нотариал идорага бормасдан сотиш мумкин 08 мар, 15:56 358
  • Сўнгги янгиликлар
  • «Крокус»даги теракт иши бўйича яна бир киши ушланди 29 мар, 00:30 0
  • Нима учун «Крокус»да керакли паллада хавфсизлик кучлари йўқ эди? 29 мар, 00:11 0
  • Зеленский: “Агар снарядлар етарли бўлмаса, Украина Россия ҳужумини қайтара олмайди” 28 мар, 23:45 2
  • Мексикадаги матбуот анжуманида бутун жамоа иштирок этиб, мухлислардан узр сўради 28 мар, 23:27 5
  • Мижозларни 1,8 млрд долларга алдаган криптовалюта биржаси асосчиси 25 йилга қамалди 28 мар, 23:04 16
  • Футзал. Ўзбекистон иккинчи ўйинда Қирғиз Республикасини мағлуб этди 28 мар, 22:56 10
  • Суперлига. “Динамо” “Металлург” устидан иродали ғалабага эришди 28 мар, 22:51 19
  • Нима учун олимлар аёлларга вақти-вақти билан йиғлаб туришни тавсия қилади? 28 мар, 22:22 20
  • Кирилл Буданов: “Россия ўз ҳудудида теракт тайёрланаётганини камида бир ой олдин билган” 28 мар, 21:56 139
  • Якуни мавҳум бўлиб бораётган Украина уруши: тарихий башорат ва ечимлар 28 мар, 21:29 239
  • Жаҳон банки: Ўзбекистон иқтисодиётидаги гендер тенглик 700 минг одамни камбағалликдан олиб чиқиши мумкин 28 мар, 21:02 18
  • Мирзиёев Хитойнинг Шинжон-Уйғур автоном райони халқ ҳукумати раиси билан учрашди 28 мар, 20:40 33
  • Бўлимлар