«Замин»ни Telegram’да ўқинг! Join!
Zamin.uz
, 19 2019, 23:59
ЎЗO‘Z

Ўзбекистонда ишлаб чиқарилиши кутилаётган «Volkswagen» автомобиль моделлари аниқланмоқда

31 июл, 22:20 1 950 Авто
Ўзбекистонда ишлаб чиқарилиши кутилаётган «Volkswagen» автомобиль моделлари аниқланмоқда
Ўзбекистон ва Германия президентлари музокаралари якунида имзоланган ҳужжатга мувофиқ, Ўзбекистонда «Volkswagen» компанияси билан ҳамкорликда тижорат автомобиллари ишлаб чиқариш йўлга қўйилиши маълум бўлганди.

Kun.uz'нинг «Ўзавтосаноат»даги манбаси маълумотига кўра, Volkswagen Caddy, Volkwagen Crafter, Volkswagen Tiguan ҳамда Skoda Octavia русумли машиналар Ўзбекистонда ишлаб чиқариш учун танлаб олинган.

«22 май куни ўтказилган музокаралар якуни бўйича Volkwagen компания билан ишлаб чиқарилиши кўзда тутилган авто моделлар танлаб олинди. Унга мувофиқ, Caddy 5 авлод русуми (7 ўринли йўловчи ташиш учун қулай микроавтобус ва мнивэн) ва Crafter (5 тоннагача юк ортиш мумкин бўлган фургон ва 18 ўринли автомобиль), C класс Skoda Octavia ҳамда Tiguan ишлаб чиқарилиши дастлабки режага киритилди», — дейилади манба ахборотида.

Volkswagen Caddy
«Ўзавтосаноат» АЖ ушбу масалада маълумотларни ошкор этмаслик бўйича келишув имзолангани туфайли, расмий маълумот вақтинча берилмаслигини таъкидлади.

«Завод Самарқандда қурилади»
2017 йили Ўзбекистон Республикаси бош вазири Абдулла Ариповнинг Германияга расмий ташрифи доирасида «Ўзавтосаноат» ва Volkswagen AG концерни ўртасида JV MAN Auto-Uzbekistan қўшма корхонасида Volkswagen Amarok пикапларини ишлаб чиқаришни йўлга қўйиш масаласи кўрилганди. Лойиҳа 2018-2019 йилларда амалга оширилиши режалаштирилганди.

Volkwagen Crafter
JV MAN Auto-Uzbekistan Марказий Осиёдаги MAN русумидаги юк ва йўловчи ташишга ихтисослашган транспорт воситалари ишлаб чиқарувчи корхона ҳисобланади. 2009 йилнинг август ойида ташкил этилган компания Самарқанд вилоятида жойлашган. Айни пайтда Ўзбекистон — Германия қўшма корхонаси ҳозирда 15 тоннадан 50 тоннагача юк кўтариш қувватига эга замонавий MAN тижорат автотранспорт воситаларини ишлаб чиқармоқда. Аммо Volkswagen билан эришилган келишув охирги икки йилда қайта эсланмади.

«Ўзавтосаноат» Volkswagen'га истиқболли шерик сифатида қараган
«Ўзавтосаноат» бошқарув раиси лавозимида ишлаган Умиджон Салимов Асакадаги General Motors Uzbekistan акциялари миллийлаштирилгандан сўнг, GM’нинг ўрнига Европа ишлаб чиқарувчиси келиши мумкинлигини таъкидлаганди. 2018 йил май ойларида у эҳтимолий шерик сифатида Volkswagen’ни тилга олганди.

Орадан бир ой ўтиб, Германиянинг Volkswagen автомобиль концерни ва «Ўзавтосаноат» Ўзбекистон ҳудудида биринчи қўшма моделни ишлаб чиқариш бўйича линияни ишга туширишни деярли мувофиқлаштириб олгани маълум қилинди.

Volkswagen Tiguan
«Volkswagen билан ҳамкорликни олти ой олдин бошладик. Уларда бу ерда муқобил ишлаб чиқаришни ташкил этишга маълум бир қизиқиш мавжуд. Бу бизнинг бошқа брендлар ишлаб чиқарилиши бўйича манфаатларимизга мос келди, сабаби мультибрендинг бизнинг устувор вазифаларимиздан бири», — деганди Умиджон Салимов.

Истиқболли йўналиш — бу Amarok пикапи, у мувофиқлаштириш жараёнида бўлган.

Президентнинг Volkswagen вакиллари билан учрашувлари
2019 йил январь ойида Германияга ташриф буюрган Шавкат Мирзиёев мамлакатнинг етакчи компания ва банклари раҳбарлари билан учрашув ўтказганди. Улар қаторида Volkswagen раҳбарияти ҳам бўлган.

Жорий йилнинг май ойида Ўзбекистонга ташриф буюрган Германия президенти Франк-Вальтер Штайнмайер немис автомобил ишлаб чиқарувчисининг ўзбек бозорида иш бошлашини қўллаб-қувватлаган.

Skoda Octavia
Шунга қарамай, заводни қуриш, компания фаолиятини йўлга қўйиш бўйича расмий маълумот тарқатилмади. Бўлажак завод қаерда иш бошлаши ҳам номаълум.

Маълумот учун, бош қароргоҳи Германиянинг Вольфсбург шаҳрида жойлашган Volkswagen AG дунёдаги етакчи йирик автомобилсозлик концернларидан бири саналади. Концерн дунёга машҳур 20 брендни ўзида бирлаштирган: Volkswagen, Audi, Seat, Skoda, Bentley, Bugatti, Lamborghini, Porsche, Ducati, Scania ва MAN шулар сирасидандир.

“Замин” янгиликларини “Telegram”да кузатиб боринг
Мавзуга оид янгиликлар
  • Ўзбекистон Volkswagen автомобилларини ишлаб чиқаради 02 июн, 08:02
  • Самарқандда Volkswagen автомашиналари ишлаб чиқарилади 16 ноя, 22:54
  • Skoda компаниясининг собиқ бош дизайнери BMW дизайни билан шуғулланади 09 фев, 11:51
  • Швейцарияда Volkswagen автомобиллари сотилиши тўхтатилади 26 сен, 14:29
  • Ўзбекистонда Hyundai автомобиллари ишлаб чиқарилиши мумкин 02 сен, 14:29
  • Сўнгги янгиликлар
  • Ўзбекистон АрМИ-2019 натижаларига кўра 5-ўринни эгаллади 19 авг, 23:37 9
  • Энди нархлар барқарорлигини Марказий банк таъминлайди 19 авг, 23:12 204
  • Михаил Чудаков: "Каримов даврида мендан Тошкент яқинидаги ядровий реакторни ёпишни сўрашган" 19 авг, 22:43 233
  • Фарғонада ЙТҲга учраган автомобиллар «паради» бўлиб ўтди (фото) 19 авг, 22:13 263
  • «Сантос» собиқ президенти: Неймар «Реал»га ўтмаслиги учун унинг отасига 1 млн доллар тўлагандим 19 авг, 21:46 226
  • Қорақалпоғистонда 25 ёшли аёл эри томонидан ваҳшийларча ўлдирилди 19 авг, 21:20 1 040
  • Собиқ бош прокурор Рашиджон Қодировга бағишланган кўрсатув тайёр 19 авг, 20:46 1 254
  • Гулнора Каримовага нисбатан янги жиноят иши қўзғатилди 19 авг, 20:23 1 314
  • Тайсон Фьюри: Яна ким билан жанг қилишим керак? Бири Россияга қочиб кетди, яна биттаси Болгарияга 19 авг, 20:00 437
  • Сурия ҳарбийлари турклар конвойига ҳужум қилди, уч киши ҳалок бўлди (фото, видео) 19 авг, 19:35 539
  • Бўлимлар