«Замин»ни Telegram’да ўқинг! Join!
Zamin.uz
, 18 2019, 04:20
ЎЗO‘Z

Депутатларнинг машина пардалари бўйича таклифи ҳақида

17 июл, 19:00 2 380 Авто
Депутатларнинг машина пардалари бўйича таклифи ҳақида
Фото: Olx.uz
Олий Мажлис Қонунчилик палатаси депутати Расул Кушербаевнинг хабар қилишича, бир гуруҳ депутатлар томонидан ваколатли давлат органларига ҳайдовчининг ўриндиғидан ташқари ўриндиқлар сони 8 тадан ошмайдиган автотранспорт воситалари учун икки ёнига ўрнатилган орқа томон кўринишини таъминлайдиган ташқи кўзгуни ҲАЙДОВЧИНИНГ ЎРНИДАН КЎРИШГА ҳалақит бермаган ҲОЛДА ОРҚА ВА ЁН ОЙНАЛАРИГА ЧИЙ ПАРДА ЁКИ ДАРПАРДА ўрнатишга БЕПУЛ АСОСДА рухсат беришни назарда тутувчи ўзгартиришлар киритиш ҳақидаги таклифлар тақдим этилибди.

4 нафар депутатларимизнинг ушбу таклифи ҳамда кези келганда жасорати таҳсинга сазовор. Кўп минг сонли халқнинг дардини ёзишибди. Юзлаб «соқов» депутатларимиз орасида бармоқ билан санарли ташаббускорлари борлигига ҳам шукр.

Аммо 2 та жиҳатдан уларнинг фикрига эътирозим бор:

Биринчидан, орқа ва ён ойналарга пардага рухсат беришни сўралгани ғалати, чунки қонунчиликда бунга ТАҚИҚ ЙЎҚ! Орқа ойна бўйича қоидаларда «РУХСАТ БЕРИЛАДИ» деб аниқ ва тиниқ ёзиб қўйилган. Орқа ойнасига тим қора парда ўрнатганларга ҳам ҳеч ким жарима солмайди. Бунда муаммо йўқ.

Ён ойналарга келсак, орқа эшикка парда ўрнатиш бўйича ҳам қонунчиликда тақиқ йўқ. Бу ҳақида Кун.уздаги мақоламда батафсил ёзганман.

Демак, орқа эшикка ва орқа ойнага парда ўрнатиш учун қонунчиликда тақиқ йўқ экан, унда нима учун яна рухсат беришни сўраш керак, шунисига тушунмадим. Американи қайта кашф этишга ўхшаб қоляпти бу.

Менинг фикримча, масалага бошқачароқ ёндошиш керак.

Муаммо нимада? Муаммо шундаки, қонунчиликни нотўғри талқин қилиши натижасида йўл патрул хизмати инспекторлари орқа эшикка парда ўрнатиш мумкин эмас, деган ноқонуний талабни қўйишади ва маъмурий баённома тузишади. Маъмурий судлар эса масалани юзаки кўриб чиқиб, ҳайдовчиларга маъмурий жазо тайинлашади.

Шу сабабли депутатларимиз энг аввало Олий судга сўров юборишлари керак. Олий суддаги масъуллар ушбу масалани қонунчилик нуқтаи назаридан батафсил кўриб чиқиб, барча маъмурий судларга орқа эшикка парда ўрнатганларни жавобгарликка тортиш масаласига оид тушунтириш, йўналиш бериши лозим.

Шунингдек, ЙҲХББга сўров чиқариб, қайси асосга кўра орқа эшикка парда ўрнатганларга маъмурий баённома расмийлаштирилаётгани ҳақида тушунтириш сўраш керак.

Лекин зинҳор орқа ва орқа ён ойналарга парда ўрнатишга рухсат сўраш керак эмас! Чунки рухсат бор! Қонунчилигимиз буни тақиқламайди! Депутатларнинг рухсат сўраб ёзган сўрови аксинча уларнинг тегирмонига сув қўяди.

Олд ён ойнага парда ўрнатишга рухсат беришни сўраш – бу мантиқий. Чунки ҳайдовчининг ёнидаги ойналарга парда ўрнатиш қонунчилик бўйича ҳам мумкин эмас, буниси тўғри.

Иккинчи эътирозим эса, депутатлар энг аввало ўзлари қабул қилган қонунни қайта кўриб чиқишлари керак. Орқа эшикка парда ўрнатганлик учун 5 млн сўм (1 августдан 5 млн 500 минг сўм) жаримани қайси виждон билан тасдиқлашгани менга қоронғу. Бу ҳеч қайси мантиққа тўғри келмайди.

Бор гап шу...

P.S.: Парда ҳақидаги мақолам чиққанига салкам 2 ҳафта бўлди. ЙҲХББ Матбуот хизмати ушбу мақолага тез орада расмий муносабат берилишини таъкидлаган эди. Ҳозирча ушбу муносабатни интиқлик билан кутяпмиз. Ва дуо қиламизки, зора масъулларга инсоф кириб, халқ фойдаси учун ижобий тўхтамга келишса...

Манба: Xabar.uz

“Замин” янгиликларини “Telegram”да кузатиб боринг
Мавзуга оид янгиликлар
  • Автомобиллар ойналарини парда билан тўсишга рухсат бериш бўйича таклиф киритилди 16 июл, 12:22
  • Ҳайдовчилар учун қизиқ: орқа эшикка парда ўрнатса бўладими? 05 июл, 09:36
  • Автомобиллар ойнасини қорайтиришга рухсат бериш ҳақидаги мурожаат Олий Мажлис муҳокамасига ўтди 24 май, 09:30
  • Саккизтагача ўриндиққа эга автомобиллар ён ойнасига парда ўрнатиш мумкинми? 26 мар, 19:12
  • Автотранспорт воситаларининг ён ойнасини жалюзи парда билан жиҳозласа бўладими? 28 фев, 15:22
  • Сўнгги янгиликлар
  • Рўзиқул Бердиев "Локомотив" билан ўйиндан сўнг: "Жамоамнинг ўйинини юқори баҳолайман" 18 авг, 00:24 145
  • АҚШлик миллиардер Порошенко 8 млрд долларни мамлакатдан олиб чиқиб кетганини айтди 18 авг, 00:02 241
  • АПЛ. Турнинг марказий ўйинида жанговар дуранг қайд этилди 17 авг, 23:37 155
  • Олмазор тумани ҳокими ўринбосари иштирокидаги янги видео тарқалди 17 авг, 23:23 613
  • Ла Лига. "Реал" мавсумни йирик ғалаба билан бошлади 17 авг, 23:10 218
  • АПЛ. "Ливерпуль" сафарда қийин ғалабага эришди 17 авг, 23:03 171
  • “Пахтакор”да йирик, “Локомотив”да кичик ҳисобдаги ғалаба 17 авг, 22:38 209
  • "Сурхон" устози: "Бразилиялик легионерлардан кўп нарса кутяпмиз" 17 авг, 22:13 270
  • 38 ёшли ҳужумчи Ариц Адурис "Барселона" билан ўйиндан сўнг нималар деди? 17 авг, 21:43 341
  • Молия вазирлиги ошган нархларга изоҳ берди 17 авг, 21:16 837
  • Бўлимлар