GM Uzbekistan компанияси жорий йилнинг 1 январидан 12 сентябрига қадар ички бозорда 114663 та автомобиль сотди. Бу ҳақда “Ўзавтосаноат” АЖ матбуот хизмати хабар берди.Хусусан, 1 июлдан 12 сентябрга қадар компания томонидан ишлаб чиқарилган 38549 дона автоулов харид қилинган.
Ўтаётган йилнинг дастлабки ярим йиллигида эса бу кўрсаткич 76087 тани ташкил этди.
Эслатиб ўтамиз, GM Uzbekistan компаниясининг Россиядаги савдо белгиси RAVON кетма-кет уч ойдан буён Россияда бирорта ҳам автомобилини сота олмагани хабар қилинганди.