«GM Uzbekistan» Ўзбекистон Республикаси Мустақиллиги куни муносабати билан 5 сентябргача дилерлик автосалонлари ишламаслигини маълум қилган.Лекин «GM Uzbekistan» томонидан ишлаб чиқарилган автомобилларни харид қилиш истагида бўлган мижозларга қулайлик яратиш мақсадида «45 дақиқа ичида автомобил» дастурига мувофиқ автомобилларни сотиш учун компания автомобил бозорлари ҳудудида «Очиқ осмон остидаги савдо майдончаларини» ташкил этмоқда. Бу ҳақда компания сайтида хабар берилди.
Илк савдо майдончаси Тошкент шаҳридаги Сергели автомобил бозори ҳудудида ушбу дам олиш кунлари ташкил этилади. Савдога 1475 дона «Спарк» ва «Кобальт», «Ласетти» автомобиллари қўйилади.
GM Uzbekistan вакиллари керакли тавсияларни бериб, маҳсулот ҳақида батафсил маълумот тақдим этишади.