«Замин»ни Telegram’да ўқинг! Join!
Zamin.uz
, 21 2019, 23:36
ЎЗO‘Z

ИИББ: «Ўзбекистонда «тонировка»га ҳали рухсат берилмаган»

06 авг, 13:58 2 701 Авто
ИИББ: «Ўзбекистонда «тонировка»га ҳали рухсат берилмаган»
Шу йилнинг 18 июль куни Ўзбекистон Республикаси Вазирлар Маҳкамасининг «Туси ўзгартирилган (қорайтирилган) ойнали енгил автотранспорт воситаларидан фойдаланишни тартибга солиш чора-тадбирлари тўғрисида»ги қарори қабул қилинганди.

Дарҳақиқат, ушбу қарорда Ўзбекистон Республикаси Ички ишлар вазирлиги ва Молия вазирлигининг 2018 йил 1 августдан бошлаб, жисмоний ва юридик шахсларга туси ўзгартирилган ойнали енгил автотранспорт воситаларидан пулли асосда фойдаланишга рухсат бериш тўғрисидаги таклифи маъқулланган. Лекин хулоса қилишга шошмаган ҳолда, қарорнинг кейинги бандларида белгиланган вазифаларга ҳам эътибор қаратамиз, дейилади Тошкент шаҳар ИИББ маълумотида.

Хусусан, қарорнинг 4-бандида енгил автотранспорт воситалари ойналарининг қорайтириш бўйича давлат стандартлари ишлаб чиқилиши белгиланган бўлиб, бунинг учун ИИВ ва «Ўзстандарт» агентлигига бир ой муддат берилган.

Шунингдек, енгил автотранспорт воситалари ойналарининг тусини ўзгартиришга рухсатнома бериш, уни рўйхатга олиш ва рухсатноманинг амал қилишини бекор қилиш тартибини ишлаб чиқиш ва тасдиқлаш ҳамда Вазирлар Маҳкамасига ойналарининг туси рухсатномасиз ўзгартирилган енгил автотранспорт воситаларидан фойдаланганлик учун маъмурий жавобгарликни кучайтиришни назарда тутувчи қонун лойиҳасини киритиш вазифаси ҳам белгилаб қўйилган.

Бундан ташқари, бир ой муддатда хорижий давлатларнинг ойналари туси ўзгартирилган енгил автотранспорт воситаларининг Ўзбекистон Республикаси ҳудудига вақтинча кириши ва транзит ҳаракатланиши учун мажбурий йиғимларни ундириш тартибини ишлаб чиқиш ва тасдиқлаш талаб этилади.

Демак, ана шу босқичлар, яъни қорайтирилган ойналардан фойдаланишга оид механизм тўлиқ ишлаб чиқилмагунга қадар енгил автотранспорт воситаларининг ойналарини қорайтириш ноқонуний ҳисобланади. Енгил автотранспорт воситалари олд ойнасининг тепа қисми тусини эни 14 сантиметрдан кўп бўлмаган ва ёруғлик ўтказувчанлиги 30 фоиздан кам бўлмаган полоса шаклида ўзгартириш (қорайтириш) бундан мустасно, бунинг учун рухсатнома талаб этилмайди.

Шунга кўра, давлат стандарти нормаларига мувофиқ бўлмаган кўзгусимон ёки туси ўзгартирилган (қорайтирилган) ойнали транспорт воситаларидан фойдаланган ҳайдовчилар Ўзбекистон Республикаси маъмурий жавобгарлик тўғрисидаги кодексининг 126-моддасига мувофиқ, жаримага тортилади. Жорий йилнинг биринчи ярмида ЙПХ инспекторлари томонидан 1078 та ана шундай қоидабузарлик ҳолатлари аниқланган ва чоралар кўрилган.

“Замин” янгиликларини “Telegram”да кузатиб боринг
Мавзуга оид янгиликлар
  • Ўзбекистонда 1-чоракда енгил автомобиллар ишлаб чиқариш ҳажми 44,7 фоизга ошди 09 апр, 10:23
  • ТОП-10: 2017 йилда энг кўп сотилган бизнес автомобиллар ўнталиги (Фотогалерея) 11 фев, 19:39
  • «Toshkent Motors» автосалонидаги нархлар (2015 йил, 27 октябрь) 29 окт, 14:09
  • Тошкентда йўловчилар оёқсиз ҳайдовчини кўргани маълум қилинди 27 май, 11:04
  • Тошкент аэропортида автобус самолёт билан тўқнашиб кетди 21 апр, 19:31
  • Сўнгги янгиликлар
  • Apple ўзининг шахсий фильм ва сериалларига 6 млрд доллардан ортиқ пул сарфлади 21 авг, 23:00 55
  • ДТМ тест натижалари кечикаётганига изоҳ берди 21 авг, 22:10 429
  • “Каннабис”ни парваришлаш қимматга тушди 21 авг, 21:30 293
  • Навоийда бемор бола учун пластик картага йиғилган пуллар ўғирланди 21 авг, 20:50 344
  • Шавкат Мирзиёев Нукусда қурилаётган Президент мактаби билан танишди 21 авг, 20:10 229
  • Президент дунёқарашини ўзгартирмаган сектор раҳбарларини танқид қилди 21 авг, 19:30 395
  • Чилонзорда ИИВ сохта ходими жиноят устида қўлга олинди 21 авг, 18:50 438
  • Батукаев иши бўйича қўлга олинган Қирғизистон собиқ прокурори оғир аҳволда касалхонага тушди 21 авг, 18:10 765
  • «Нақд пуллар қаердан келди?» Андижон ҳокимининг гаплари акс-садо бера бошлади... 21 авг, 17:25 1 706
  • Молия вазирлиги: “Ҳақ тўланадиган жамоат ишларини ташкил қилишдаги молиявий қонунбузарликлар аниқланди” 21 авг, 16:43 390
  • Бўлимлар