Мажбурий ижро бюроси Бўстонлиқ туман бўлими иш юритувида фуқаролик ишлари бўйича Тошкент вилояти Чирчиқ туманлараро судининг 15.06.2021 йилдаги ижро варақасига асосан қарздор фуқародан ундирувчи АТБ “Қишлоққурилиш банк” фойдасига 419 984 931 сўм кредит қарз ундириш тўғрисидаги ижро ҳужжати бўлим иш юритувига келиб тушган ва шу кунинг ўзида Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонунинг 23-моддасига асосан ижро иши юритишни қўзғатиш тўғрисидаги қарор қабул қилиниб, қарор нусхаси тарафларга юборилган.Олиб борилган мажбурий ижро ҳаракатлари давомида, Қонуннинг 21,87-моддаларига асосан тегишли ташкилотларга сўровномалар юборилган.
Шунингдек, Қонуннинг 21,48,87-моддаларига асосан қарздорнинг барча ҳисоб рақамларига давлат ижрочисининг қарори билан банд солинган ҳамда инкассо топшириқномаси ижро қилишлик учун юборилган.
Олиб борилган мажбурий ижро ҳаракатлри давомида қарздор томонидан 419 984 931 сўм кредит қарз пуллари ундирилиб, ундирувчи АТБ “Қишлоққурилишбанк” хисоб рақамига ўтказиб берилиши таъминланган.
Мазкур ижро ҳужжати Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 41-моддасига асосан 22.11.2021 йил куни тамомланганлиги маълум қилинади.