«Замин»ни Telegram’да ўқинг! Join!
Zamin.uz
, 28 2024, 18:45
ЎЗO‘Z

АҚШ мудофаа вазирлиги «учар ликопчалар» жумбоғини ечишга қатъий киришди

29 ноя, 14:12 3 433 Дунё
«Замин»ни Telegram’да ўқинг!
АҚШ мудофаа вазирлиги «учар ликопчалар» жумбоғини ечишга қатъий киришди Фото: “Science Photo Library”
АҚШ мудофаа вазирлиги таркибида номаълум учувчи жисмлар мавжудлигини тадқиқ этувчи махсус бўлим ташкил этилмоқда. Янги тузилма фаолиятини мудофаа вазирининг разведка бўйича ўринбосари назорат қилади.

Мудофаа вазири ўринбосари Кэтлин Ҳикс ёпиқ ҳаво ҳудудларида номаълум учувчи объектларнинг пайдо бўлиши самолётлар парвози ҳамда миллий хавфсизликка таҳдид туғдиришини айтган. Пентагонга кўра, янги гуруҳ номаълум учар объектларни тадқиқ этиш ва эҳтимолий хатарларни бартараф этиш билан шуғулланади.

Мудофаа вазирлиги тизимида «учар ликопчалар» бўйича янги тузилманинг ташкил этилаётган бежиз эмас. Жорий йил июнь ойида АҚШ разведка идораси томонидан эълон қилинган ҳисоботда номаълум ва сирли учар объектлар бўйича 144 та кузатув ҳақида сўз боради.

Ўтган йиллар ичида денгиз авиацияси учувчилари тасвирга олган бир неча видеолавҳа эълон қилинган. Улардан бирида жуда катта тезликда ҳаракатланаётган объект кутилмаганда кўздан ғойиб бўлиши акс этган. АҚШ ҳарбий денгиз флоти разведка хизмати учар объектларни «номаълум ҳаво ҳодисаси» деб баҳолаган.

Разведка ва мудофаа масъулларини учар объектлар ўзга сайёралардан келганми ёки Хитой, Россия каби душман давлатларга тегишлими деган жумбоқ қизиқтирмоқда. Жорий йилнинг ёзида Хитой овоз тезлигидан ҳам шитоброқ ҳаракатланувчи янги ускунани синовдан ўтказди. Шунга кўра, АҚШ Пекин ундан аввал янги технология яратишга муваффақ бўлди дея тахмин қилмоқда.

Умуман, АҚШ ҳарбийлари кейинги ўн йилларда нафақат рақиб давлатлар, балки ўзга сайёралардан юборилган бўлиши мумкин бўлган учар объектларни тадқиқ этиш учун миллионлаб доллар маблағ сарфлаб келмоқда. Масалан, мудофаа вазирлиги 2007-2012 йилларда амалга оширган «Аэрокосмик таҳдидларни аниқлаш дастури» учун 20 миллион доллардан зиёд маблағ харжлаган. Ушбу тадқиқотлар учун маблағ ажратиш эса ҳамиша Пентагон ҳамда Конгресс ўртасида беаёв баҳсу мунозараларга сабаб бўлиб келади. Қонунчилик идораси мудофаа вазирлигини миллионлаб долларни ҳавога совуришда айблайди. Вазирлик эса бу миллий хавфсизликка дахлдор масала эканини уқтиради.

АҚШ разведка идораси тақдим этган ҳисоботларда номаълум учувчи жисмлар айнан бошқа сайёралардан келгани тасдиқланмаган, айни чоқда, мазкур факт рад ҳам этилмаган. Бу эса кўп йиллардан буён яшаб келаётган фараз ва тахминларни янада кучайтирмоқда.




Мавзуга оид янгиликлар
  • Рус нашрлари: «Крокус»да теракт уюштирганлар наркотик таъсирида бўлган 28 мар, 17:40 30
  • Россия НАТО билан жанг қилиш ниятидами? Путин нима деб жавоб берди? 28 мар, 15:07 275
  • АҚШ полициячиларининг «ақлли қарори» Legoга маъқул келмади 28 мар, 14:00 90
  • Дубай ҳукмдорининг энг гўзал қизи қандай ҳаёт кечиради? 28 мар, 13:31 426
  • Россия ФВВ: Crocus'даги теракт: қурбонлар сони 143 кишига етди 28 мар, 13:10 81
  • Усмоновнинг шикояти бўйича Германияда икки прокурорга нисбатан иш очилди 28 мар, 12:49 182
  • Сўнгги янгиликлар
  • Рус нашрлари: «Крокус»да теракт уюштирганлар наркотик таъсирида бўлган 28 мар, 17:40 29
  • Тошкентда қалбаки долларни сотишга уринган шахслар қўлга олинди 28 мар, 17:17 10
  • Тошкентнинг “Бунёдкор” клубига янги бош мураббий тайинланди 28 мар, 17:00 79
  • Лезвия билан баданини кесган йигит ҳодисаси бўйича расмий маълумот берилди 28 мар, 16:44 121
  • Қандли диабет касаллигида рўза тутса бўладими? 28 мар, 16:20 68
  • 29 март куни Ўзбекистон ҳудудида қандай об-ҳаво кутилмоқда? 28 мар, 15:53 96
  • Жиззахда икки раҳбар 64 гектар ерни сотаётганда қўлга олинди 28 мар, 15:30 53
  • Россия НАТО билан жанг қилиш ниятидами? Путин нима деб жавоб берди? 28 мар, 15:07 275
  • Тошкентдан Фарғона водийсига микроавтобус қатнови ташкил этилади 28 мар, 14:43 45
  • Тошкентда 29 март куни «Автомобилсиз кун» тадбири ўтказилади 28 мар, 14:24 45
  • АҚШ полициячиларининг «ақлли қарори» Legoга маъқул келмади 28 мар, 14:00 90
  • Дубай ҳукмдорининг энг гўзал қизи қандай ҳаёт кечиради? 28 мар, 13:31 426
  • Бўлимлар