Австрияда ўн минглаб одамлар мажбурий эмлашга қарши намойишга чиқди

^{Фото: Lisa Leutner/AP Photo}
Австриянинг йирик шаҳарларида COVID-19 тарқалиши билан боғлиқ янги чекловларга қарши намойишлар ўтказди. Улар коронавирусга қарши мажбурий эмлаш жорий этилишига нисбатан норозилик билдирди.

Австрия полициясининг маълумот беришича, бутун мамлакат бўйлаб 40 минг киши норозилик намойишларига чиққан.

Грац шаҳрида ўтказилган намойишда ўн минглаб кишилар қатнашган – бу Иккинчи жаҳон уруши давридан буён ўтказилган энг йирик акция ҳисобланади.

Австрияда норозиликлар мамлакат ҳукумати 22 ноябрдан умуммиллий локдаун жорий этгани ва 2022 йил 1 февралдан барча фуқароларни коронавирусга қарши мажбурий эмлаш кампаниясини бошлаши ҳақида маълум қилганидан сўнг бошланди.

Аввалроқ Австрия ҳукумати мамлакатга барча туристларнинг киришини тақиқлаганди. Мазкур тақиқ 3 декабргача амал қилади.