Қозоғистон пойтахти Остона шаҳрида кузатилаётган қаттиқ совуқ туфайли ҳудуддаги мактабларнинг бошланғич синфларини ёпишга тўғри келган. Бу ҳақда шаҳар ҳокимиятига асосланиб, tengrinews.kz сайти хабар берган.Хабарда айтилишича, 18 февралдан бошлаб мактабларда 1-4 синф ўқувчиларининг уйда қолишига рухсат берилган.
Ўтган ойнинг сўнгида ҳам шундай ҳолат кузатилган эди.
Казгидромет маълумотларига кўра, Қозоғистонда шу ҳафтада ҳарорат -35 даражагача пасайиши мумкин. Пойтахт Остонада эса, 18 февраль кечаси -27 градус совуқ бўлиши кутилмоқда.
Айни вақтда мамлакатларнинг катта қисмини қуюқ туман қоплаган. Шамол тезлиги эса, секундига 15-20 метрни ташкил этмоқда. 20 февраль куни эса, ҳарорат -38 градусга ҳам тушиши мумкинлиги айтилмоқда.
Манба: www.kun.uz