«Замин»ни Telegram’да ўқинг! Join!
Zamin.uz
, 28 2021, 05:19
ЎЗO‘Z

«Бу – туркий дунёга очиқ таҳдид!» – Президент Эрдўғон оғриқли муаммони кўтарди

23 окт, 10:48 1 464 Дунё
«Замин»ни Telegram’да ўқинг!
«Бу – туркий дунёга очиқ таҳдид!» – Президент Эрдўғон оғриқли муаммони кўтарди Фото: AA
Назоратдан чиқиб кетган ижтимоий тармоқлар дунё давлатлари тинчлиги ва миллий хавфсизлигига таҳдид туғдирмоқда. Бу ҳақда Туркия президенти Ражаб Тоййиб Эрдўғон Истанбулда 22 сентябрь куни бошланган Туркий тилли давлатлар ҳамкорлик кенгашига аъзо мамлакатларнинг медиафоруми иштирокчиларига йўллаган видеомурожаатида гапирган.

Туркия раҳбари ўз нутқида туркий ва мусулмон дунё ўлкалари медиамаконда дуч келаётган жиддий хатарларга эътибор қаратган.

«Ижтимоий тармоқлар кенг тарқалган бугунги даврда бутун инсоният қаторида биз ҳам ахборот хуружларига нишон бўлмоқдамиз. Дунё бўйлаб миллионлаб кишилар сохта ва янглиш янгиликлардан азият чекмоқда, битмас маънавий жароҳат олмоқда», – дейди Р.Т.Эрдўғон.

Таъкидланишича, бирор бир мамлакат рақамли фашизмдан ўзини омонда дея олмайди. Негаки, назоратдан чиқиб кетган ахборий макон демократиянинг ўзига ҳам таҳдид солаётир.

«Туркий олам рақамли фашизмдан ташқари халқаро оммавий ахборот воситаларининг иккиёқлама стандартларидан ҳам зиён кўрмоқда. Тоғли Қорабоғдаги 44 кунлик уруш пайтида намоён бўлган иккиюзламачилик мамлакатларимиз учун муҳим масалани кун тартибига чиқарди. Ушбу уруш даврида арман армиясининг хунрезлиги, тинч аҳоли устига баллистик ракеталар йўллагани ёритилмади. Матбуот эркинлиги ва холислигини байроқ қилиб келган халқаро ОАВ Арманистон расмий ахборот агентлиги вазифасини ўтади. Қорабоғ урушида бизнинг мамлакатлар, туркий олам ҳақидаги ҳақиқатлар яна яширилди. Бу биринчи ва охирги ҳолат эмас», – дейди мезбон давлат раҳбари.

Туркия президенти девони жамоатчилик билан алоқалар бошқармаси томонидан ташкил этилган, «Илдизлари мустаҳкам тарих, кучли келажак» шиори остида ўтаётган медиаанжуман иштирокчиларига мурожаатда аччиқ тажрибадан тўғри хулоса чиқариш муҳимлиги қайд этилди. Президент Эрдўғонга кўра, туркий дунё ўлкалари ОАВ, дезинформация, ахборий хавфсизлик каби соҳаларда ҳам ҳамкорликни кучайтириши, ахборот маконини хорижликларга қўшқўллаб топшириб қўймаслиги лозим.

Кейинги йилларда дунё миқёсида ахборий хуружлар, жумладан, муқаддас динни ёмонотлиққа қилишга уринишлар авж олмоқда. Мусулмон оламида етакчи давлатлардан бири саналган Туркия раҳбарияти бунга қарши курашиб келмоқда.

Президент Эрдўғоннинг яқинда чоп этилган «Дунё адолатлироқ бўлмоғи мумкин» (Daha Adil Dünya Mümkün) деб номланган китобида ҳам дунё бўйлаб кузатилаётган адолатсизлик, миграция инқирози, халқаро терроризм, исломофобия, сиёсий мунофиқлик каби иллатлар хусусида сўз юритилади. Қайд этилишича, бугун инсоният учун сув билан ҳаводек зарур қадрият бу – адолатдир.

Бундан бир йил аввал, 2020 йил октябрь ойида президент Эрдўғон Франция раҳбари Эммануэль Макроннинг ислом дини хусусидаги баёнотига ҳам кескин танқидий муносабат билдирганди. Франция етакчиси ислом дини бутун дунёда инқирозни бошдан кечираётгани, «ислом сепаратизми» ҳақида мунозарали фикрлар айтган эди. Туркия раҳбари ислом инқироз ҳолатида деган иддаони ҳурмат чегараларини бузиш, очиқ провакация деб баҳолаган. У, айни чоқда, айрим Ғарб мамлакатларида ирқчилик ва исломофобия давлат томонидан ҳимоя қилинаётганини хавотирли ҳол ўлароқ қайд этган.

Аввалроқ расмий Анқара Янги Зеландиядаги масжидга ҳужум уюштирилган 15 март санасини Исломофобияга қарши халқаро бирдамлик куни деб эълон қилишни таклиф этган.

С.Салим




Мавзуга оид янгиликлар
  • Доналд Трамп «биронта ижтимоий тармоқда йўқлиги»ни эълон қилди 17 июл, 10:09
  • Путин: Украина – Европанинг энг қашшоқ мамлакати 12 июл, 23:44
  • Путин дунё хавфсизлигига таҳдид солаётган омилларни айтиб ўтди 23 июн, 19:14
  • Хитой элтувчи ракетасининг бўлаклари Ҳинд океанига қулади (видео) 09 мая, 22:44
  • Мисрда рельсдан чиқиб кетган поезд фожиага сабаб бўлди (видео) 19 апр, 00:01
  • БМТ Бош котиби пандемия даврида дунё дуч келган 3 асосий хавфни маълум қилди 14 авг, 14:20
  • Сўнгги янгиликлар
  • Учинчи жаҳон урушини тўхтатиб турган рус қуроли 28 ноя, 00:20 513
  • Австрияда ўн минглаб одамлар мажбурий эмлашга қарши намойишга чиқди 27 ноя, 23:56 351
  • Ўзбекистондан Россияга ишга бориш учун 5 минг киши танлаб олинди 27 ноя, 23:30 443
  • Келаси йил Суперлигада жамоалар сони 16 та бўладими? ЎФА бу борада расмий баёнот билан чиқди 27 ноя, 23:08 486
  • Ўзбекистон автомобиллари асосан Қозоғистонга сотилаётгани маълум бўлди 27 ноя, 22:50 546
  • Тошкент вилоятида 8 йил олдин бедарак йўқолган қиз жасади топилди 27 ноя, 22:22 614
  • Салбий роллари билан машҳур бўлса-да, қалби меҳрга тўла ҳинд актёри — Шакти Капур ҳақида 27 ноя, 21:48 522
  • Алиев ва Пашинян Сочида чегара делимитацияси учун комиссия тузишга келишди 27 ноя, 21:21 413
  • Луисма Эрнандес: "Кубок финалида қоғозда "Пахтакор" фаворит, лекин "Насаф" жанг таклиф қилади" 27 ноя, 21:00 448
  • Улуғбек Бақоев тарихий натижа ҳақида нималар деди? 27 ноя, 20:40 496
  • Шуҳрат Мақсудов: "Ҳар бир ўйин олдидан рақиб жамоага қарши тайёрланамиз, лекин ички рақиб..." 27 ноя, 20:29 379
  • Виктор Кумиков: "Мотивациясиз ўйнаган бўлсак-да, ёш футболчиларни синовдан ўтказиб олдик" 27 ноя, 20:26 383
  • Бўлимлар