Футзал бўйича Жаҳон чемпионати иккинчи ярим финал учрашуви бўлиб ўтди. Унда Португалия ҳамда Қозоғистон терма жамоалари ўзаро баҳс олиб борди.Асосий вақтда 1:1 ҳисоби қайд этилгани боис, қўшимча бўлимларга мурожаат қилинди. Экстра таймларда ҳар икки жамоа бир маротабадан дарвозаларни ишғол этди ва бош ҳакам томонларни пенальтилар сериясига таклиф этди. Унда португаллар 4:3 ҳисобида зафар қучди.
Энди уларга ҳал қилувчи беллашувда Аргентина терма жамоаси рақиблик қилади.