«Замин»ни Telegram’да ўқинг! Join!
Zamin.uz
, 29 2024, 02:29
ЎЗO‘Z

Ашхободда шорти кийиш тақиқлангани хабар берилди

16 сен, 21:40 2 545 Дунё
«Замин»ни Telegram’да ўқинг!
Ашхободда шорти кийиш тақиқлангани хабар берилди Фото: «Advantour.com»
Туркманистон пойтахти Ашхободда полициячилар кўчаларда шорти кийиб юрган одамларни тўхтатиб, улардан бошқа кийим кийиб олишни талаб қилмоқда, баъзи ҳолларда уларга жарима ҳам тўлатилмоқда. Бу ҳақда Azatlyk Radiosy ва Тurkmen news хабар берган.

Маълумотларга кўра, бундай ҳолатлар шаҳарнинг бош кўчаларида ва айрим муассасаларда юз бермоқда. Масалан, Туркманистон-Туркия банкига ташриф буюрган мижоздан эшик олдида навбатчилик қилаётган полициячи бошқа кийим кийиб келишни талаб қилган. Банк ходимининг мижозни киритиш илтимосини ҳам инобатга олмаган ва навбатда турган бошқа фуқароларни ҳам пойтахтнинг жамоатчилик жойларига шорти ёки шиппакда келиш энди тақиқлангани ҳақида огоҳлантирган.

Шунингдек, истироҳат боғида шорти кийиб сайр қилаётган ўспириндан 25 манат (қарийб 15 доллар) жарима ундирилиб, кийимини алмаштириб келиш учун уйига жўнатиб юборилган.

«Эҳтимол, Туркманистонда янги қоида киритилиб, унинг ёрдамида ҳукумат вақти-вақти билан фуқароларнинг ташқи кўринишини тартибга солишга уринилмоқда», — дейилади хабарда.

Таъкидлаш жоизки, Ўзбекистонда ҳам жамоат жойларида шортида юриш маъқулланмаган ҳолатлар ҳақида ижтимоий тармоқлар фойдаланувчилари маълум қилган. Чунончи, Facebook’даги «Potrebitel.uz» гуруҳи фойдаланувчиларидан бири шорти кийгани учун Тошкентдаги тиббиёт муассасаларидан бирига киритилмаганидан шикоят қилган. Яна бир ҳолат Шаҳрисабзда кузатилган: шорти кийган эр-хотин ҳайвонот боғига қўйилмаган.

Туркманистонда яна нималар тақиқланган?
Мамлакатда 40 ёшдан кичик эркакларнинг соқол ўстириши ҳам ёзилмаган қоидалар билан тақиқланган. Ушбу тақиқ анча вақтдан буён амал қилиб келади. Вақти-вақти билан полициячилар кўчаларда соқол қўйган ёшларни тўхтатиб, бўлинмага олиб кетади ва соқолини олиб ташлашни талаб қилади. Баъзи маълумотларга кўра, улар дўппосланиши ва таҳқирланиши ҳам мумкин.

Бундан ташқари, давлат муассасаларида ишлайдиган аёллар сочини оч рангга бўяши, тирноқ ўстириши ва бўяши, киприк ўстириши, тилла тақинчоқлар тақиши мумкин эмас. Шундай талаблардан кейин божхона хизмати чегарада сочни очартирувчи воситалар ва оч рангли бўёқларни ушлаб қола бошлади. Ўқитувчи аёллардан миллий дресс-код талаб қилинади.

Шунингдек, Туркманистонда татуировка салонлари ҳам ёпиб ташланган. Хабарларга кўра, полициячилар танасида татуировка бўлган одамларни қўлга олиб, бўлимга олиб кетган ва уни қаерда чиздиргани ҳақида сўроқ қилган.




Мавзуга оид янгиликлар
  • «Крокус»даги теракт иши бўйича яна бир киши ушланди 29 мар, 00:30 50
  • Нима учун «Крокус»да керакли паллада хавфсизлик кучлари йўқ эди? 29 мар, 00:11 58
  • Зеленский: “Агар снарядлар етарли бўлмаса, Украина Россия ҳужумини қайтара олмайди” 28 мар, 23:45 48
  • Мижозларни 1,8 млрд долларга алдаган криптовалюта биржаси асосчиси 25 йилга қамалди 28 мар, 23:04 33
  • Кирилл Буданов: “Россия ўз ҳудудида теракт тайёрланаётганини камида бир ой олдин билган” 28 мар, 21:56 165
  • Якуни мавҳум бўлиб бораётган Украина уруши: тарихий башорат ва ечимлар 28 мар, 21:29 274
  • Сўнгги янгиликлар
  • «Крокус»даги теракт иши бўйича яна бир киши ушланди 29 мар, 00:30 50
  • Нима учун «Крокус»да керакли паллада хавфсизлик кучлари йўқ эди? 29 мар, 00:11 58
  • Зеленский: “Агар снарядлар етарли бўлмаса, Украина Россия ҳужумини қайтара олмайди” 28 мар, 23:45 48
  • Мексикадаги матбуот анжуманида бутун жамоа иштирок этиб, мухлислардан узр сўради 28 мар, 23:27 36
  • Мижозларни 1,8 млрд долларга алдаган криптовалюта биржаси асосчиси 25 йилга қамалди 28 мар, 23:04 33
  • Футзал. Ўзбекистон иккинчи ўйинда Қирғиз Республикасини мағлуб этди 28 мар, 22:56 28
  • Суперлига. “Динамо” “Металлург” устидан иродали ғалабага эришди 28 мар, 22:51 35
  • Нима учун олимлар аёлларга вақти-вақти билан йиғлаб туришни тавсия қилади? 28 мар, 22:22 33
  • Кирилл Буданов: “Россия ўз ҳудудида теракт тайёрланаётганини камида бир ой олдин билган” 28 мар, 21:56 165
  • Якуни мавҳум бўлиб бораётган Украина уруши: тарихий башорат ва ечимлар 28 мар, 21:29 274
  • Жаҳон банки: Ўзбекистон иқтисодиётидаги гендер тенглик 700 минг одамни камбағалликдан олиб чиқиши мумкин 28 мар, 21:02 23
  • Мирзиёев Хитойнинг Шинжон-Уйғур автоном райони халқ ҳукумати раиси билан учрашди 28 мар, 20:40 46
  • Бўлимлар