Россия премьер-лигаси вакили “Ахмат” жамоаси бош мураббийи Андрей Талалаев “Зенит” ҳужумчиси Сардор Азмунга А Серия клубларидан жиддий чорловлар бўлаётганига муносабат билдирди.Россиялик мутахассис журналистларнинг эронлик ҳужумчига А Серия қанчалик мос келиши ҳақидаги саволига Шомуродов мисолида жавоб берди.
- Бунга Элдор Шомуродовни мисол қилиш мумкин. Гавдали ва шу билан бирга тезкор ҳужумчилар ҳамма жамоага керак. Шомуродов “Рома”да ўйнашни уддалаяпти. Менинг назаримда, Сардор ўйин борасида Элдордан устун. Шунинг учун ҳам Азмун Италиянинг кучлироқ жамоасига ўтса, ўзини кўрсата олади, - деди Андрей Талалаев.
Эслатиб ўтамиз, Сардор Азмунни собиқ “пахтакорчи” Марат Кабаев кашф қилган ва уни “Рубин”га олиб келган эди.