Бир неча кун аввал "Пахтакор" Сербиянинг "Партизан" клуби ҳужумчиси Боян Матичга қизиқаётгани ва уни трансфер қилмоқчи эканлиги борасида хабар бергандик.
Бугун "Пахтакор" матбуот хизмати Боян Матич "шерлар" азосига айланганини расман эълон қилди. Энди у ҳужумда Эрен Дердийокнинг ўрнини эгаллайди.
Ўтган мавсумнинг биринчи қисмида у “Партизан” сафида ўйнади, иккинчи даврани эса Грециянинг “Атромитос” клубида ижарада ўтказди. Умумий олганда ўтган мавсум 25та ўйинда 2та голли узатмани амалга оширди.
Бутун фаолияти давомида Матич 155та ўйинда, 46та гол урди ва 9та голли узатмани амалга оширган.
Боян “Пахтакор”га эркин агент сифатида кўчиб ўтди. Футболчи тошкентликлар билан 2021 йил охирига қадар шартнома тузди.
