Кеча Британияда бўлиб ўтган профессионал бокс оқшомида супероғир вазнда Жо Жойс (13-0, 12КО) ва Карлос Такам (39-6-1, 28КО) жанг қилди. Жанг давомида катта устунлик қилган Жойс 6-раундда техник нокаут эвазига ғалаба қозонди.
Эслатиб ўтамиз, британиялик Жойс Рио Олимпиадаси чорак финалида ҳамюртимиз Баҳодир Жалолов устидан ғалаба қозонган. Кейинчалик у финалга қадар етиб келган ва Тони Йокага имкониятни бой берган.