“Ювентус” ҳужумчиси Криштиану Роналду мавсум якунланиши билан Туринни тарк этиши кутилмоқда. Яқинда у шаҳардан ўз автомобилларини олиб чиқиб кетгани ҳақида хабарлар тарқатилган эди.
Манбаларнинг маълум қилишича, “Манчестер Юнайтед” бош мураббийи Уле-Гуннар Сульшер португалиялик ҳужумчини олишга қизиқмоқда ва бу борада Роналду билан шахсан гаплашди. Роналдунинг ўзи ҳам Англия премьер-лигасига қайтишга қизиқяпти.
Унинг асосий мақсади фаолиятини якунлагунича яна бир марта Чемпионлар лигасида ғолиб чиқишдан иборат. Роналдуда “Ювентус”да қолиш варианти ҳам бор. Бунинг учун туринликлар келаси мавсум Чемпионлар лигасига йўл олиши керак бўлади.
Роналду 2018 йилдан бери Туринда тўп тепмоқда. Унинг трансфери “Ювентус”га 117 миллион еврога тушган. Криштиану йилига 30 миллион евродан кўпроқ маош олади. Жорий мавсумда ҳужумчи 33 та учрашувда қатнашиб, 29 та гол урди ва учта голли пас оширди.