«Турон» бош мураббийи Исломбек Исмоилов Суперлиганинг 5-туридан ўрин олган «ОКМК»га қарши ўйиндан (0:1) сўнг Facebook ижтимоий тармоғида фикр билдирди деб, хабар бермоқда «Championat.asia».
Скрин: Facebook / «Championat.asia»
"Биз ҳам инсонмиз! Бизда ҳам сабрнинг чегараси бор. Агар воқеалар ривожи шундай давом этса, бутун умрга футболдан кетаман, лекин ўзим билан кўпчиликни олиб кетаман. Бугунми, эртагами, барчасининг жавоб бор. Аллоҳдан қўрқинглар", - деган «Турон» бош мураббийи Исломбек Исмоилов.
Исмоилов ушбу муносабатини катта эҳтимол билан учрашувнинг 35-дақиқасида юзага келган баҳсли ҳолатга нисбатан билдирган. Ўша вазиятда «Турон» аъзолари Даян Поневичнинг зарбаси чизиқни кесиб ўтди деган фикрни илгари сурди. Бироқ ҳакамлар тўп дарвозага кирмаганини кўрсатди.