«Замин»ни Telegram’да ўқинг! Join!
Zamin.uz
, 18 2021, 05:51
ЎЗO‘Z

Бош билан уриш мана бундоқ бўлади! Хет-трик қилган легионеримиз тўпурарлар пойгасида етакчига айланди

09 мая, 21:13 2 535 Спорт
«Замин»ни Telegram’да ўқинг!
Бош билан уриш мана бундоқ бўлади! Хет-трик қилган легионеримиз тўпурарлар пойгасида етакчига айланди
Қозоғистон премьер-лигасида “Актобе” шарафини ҳимоя қилаётган Ўзбекистон миллий терма жамоаси ҳужумчиси Игорь Сергеев 10-турнинг ҳақиқий қаҳрамонига айланди.

“Жетису” жамоасига қарши ўтказилган учрашувда мезбонлар олтинчи дақиқада ҳисобни очган бўлишига қарамай, “Актобе” ўзбекистонлик легионер ҳаракатлари эвазига баҳсни катта фарқ билан якунлади – 1:5.

Иродали ғалабага эришилган ушбу беллашувни бошланғич таркибда бошлаган Игорь Сергеев ўйинда хет-трик қайд этди. Эътиборлиси, у учала голни ҳам бош билан урди. Бу жаҳон футболида ҳам камдан-кам кузатиладиган ҳолат.  

Шу тариқа, Игорь Сергеевнинг Қозоғистон премьер-лигасида урган голлари сони олтитага етди. Бунгача, ҳужумчимиз “Тобол”, “Ордабаси” ва “Тараз” жамоалари дарвозасини ҳам ишғол қилганди. Айниқса, “Ордабаси”га қарши баҳсда майон марказидан урган голи анча шов-шув бўлгани ҳам бор гап.

“Актобе” Игорь Сергеев тўп киритган учрашувларда жами беш очкога эга бўлди. Умуман олганда эса, “Актобе” премьер-лига доирасидаги ўнта учрашувдан учтасида зафар қучди, уч марта дуранг ўйнади, тўрт бор мағлуб бўлди. Жамоа жами 12 очко тўплаган бўлса-да, Сертификация комиссияси тегишли талабларни бузгани учун клубдан уч очкони олиб ташлаган.

Ҳозирча, ушбу жамоа ҳисобида қолган 9 очко бор ва улар мусобақа жадвалида ўнинчи ўринда бормоқда.
Игорь Сергеев легионер сифатида биринчи бор хет-трик қайд этди. Шу орқали премьер-лига тўпурарлари пойгасида пешқадамлик қилаётган бразилиялик ҳужумчи Жоао Паулога етиб олди. Ҳар икки тўпурар ҳисобида олтитадан гол бор. Игорь фаолияти давомида аввал Хитой ва  Бирлашган Араб Амирликлари чемпионатларида ҳам тўп терганини яхши биласиз. “Бэйцзин Гоань” жамоаси сафида 14 та ўйин битта гол урган бўлса, “Аз-Зафра” учун олтита баҳсда битта тўп киритган эди.

“Пахтакор” тарбиялаган Сергеев  Ўзбекистон миллий чемпионатлари тарихида “шерлар” таркибида энг кўп гол урган футболчи ҳисобланади. У “Пахтакор”да жами 180 та ўйин ўтказиб, рақиблар дарвозасини 101 марта аниқ нишонга олган.

Тажрибали ҳужумчи “Пахтакор” сафида тўрт карра Ўзбекистон чемпиони, икки карра мамлакат кубоги соҳиби, бир бор чемпионат бронза медали совриндори бўлган. Бундан ташқари, Игорь Сергеев 2015 йилги чемпионат якунларига кўра, мусобақанинг энг яхши тўпурари  унвонига сазовор бўлган эди.

Ўзбекистон миллий терма жамоаси сафида Игорь Сергеев айни пайтда “Женоа” шарафини ҳимоя қилаётган Элдор Шомуродовдан кейин иккинчи ҳужумчи ҳисобланади. Моҳир тўпурар мамлакатимиз бош жамоаси учун 54 та ўйинда, 17 та тўп киритган.

Шу ўринда, “Актобе”даги фаолияти Игорь Сергеев учун кучлироқ чемпионатларга ўтишида трамплин бўлиши кутиляпти. Яқинда футболчимизнинг агенти Игорга Европанинг кучли клубларидан таклифлар борлигини, трансфер бўйича муайян ишлар амалга оширилаётганини  тасдиқлаган эди.

Шунингдек, Сергеевнинг агенти мижозига Осиёнинг гранд клубларидан ташқари, Руминиянинг икки жамоасидан аниқ таклиф бўлгани, бироқ ҳужумчининг ўзи олдига Европанинг кучлироқ чемпионатларида тўп тепишни мақсад қилиб қўйганини ҳам таъкидлади.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Игор Сергеевга АПЛ клуби қизиқмоқда?! 22 апр, 10:39
  • Игорь Сергеев "Актобе" футболчисига айланди! 18 фев, 14:41
  • "Пахтакор" Сергеевнинг голи эвазига "Персеполис"ни мағлуб этди 06 мая, 21:25
  • Александр Гейнрихга янги иш топилди 09 июн, 22:15
  • «Пахтакор» ҳужумчиси Игорь Сергеев оила қурди 15 апр, 16:43
  • Александр Гейнрих "Ордабаси"да биринчи голини урди 01 мар, 17:15
  • Сўнгги янгиликлар
  • Эрон ўз нефт танкерларига қароқчилар уюштирган ҳужумни қайтарди 18 окт, 00:15 140
  • Ислом Тўхтахўжаев: "Ўйинни жамоалар эмас, ҳакамлар ҳал қилганидан кейин алам қилади. Тўп қўлимга тегмади" 17 окт, 23:49 174
  • Aмерика снайпер милтиғи ўрнатилган робот-ит яратди (видео) 17 окт, 23:25 220
  • Исроилда рус мафияси сардорига бир қанча айбловлар қўйилди 17 окт, 22:58 285
  • Айиқ циркда ҳайвон ўргатувчи ҳомиладор аёлга ҳужум қилди 17 окт, 22:39 297
  • Фарзандингизни интернетда қандай ҳимоя қилишни биласизми? 17 окт, 22:08 280
  • "Сербиялик футболчиларга Ўзбекистонда яшаш ва тўп тепиш қулай" - Боян Матич 17 окт, 21:43 311
  • Микаэль Секейра: "Андижон" 8-9 нафар футболчи билан ҳимояланди" 17 окт, 21:22 280
  • Виктор Кумиков: "Ниҳоят..." 17 окт, 21:19 290
  • «Олақарға» миллиардлар устига қўнди. Бу муваффақият гаровими? 17 окт, 20:53 362
  • ОЧЛ. Финалда Саудия Арабистони ва Жанубий Корея клублари тўқнаш келади! 17 окт, 20:16 337
  • Виктор Жалилов жамоасининг ғалабаси ҳақида қандай фикр билдирди? 17 окт, 20:00 284
  • Бўлимлар