Буюк Британияда Чемпионлар лигаси финалини Туркиядан Англияга кўчиришни талаб қилишмоқда. Хабар қилинишича, британиялик сиёсатчилар финалда Англиянинг икки клуби баҳслашиши сабабли учрашув ўз юртларида ўтказилиши керак деб ҳисобламоқда.
Қайд этилишича, хорижга чиқишга чекловлар ўрнатилгани сабабли кўплаб ишқибозлар финал ўйинига боролмаслиги мумкин. Шунингдек, «Астон Вилла» УЕФАга финал ўйини учун ўз стадионини таклиф қилган.
Туркияда коронавирус билан боғлиқ нохуш вазият боис локдаун жорий этилган.
Чемпионлар лигаси финали 29 май куни Истанбул шаҳрида ўтказилиши режалаштирилган. Стадионга 25 минг нафар мухлис киришига рухсат берилган. Финалда «Челси» ва «Манчестер Сити» клублари баҳслашади.