Тананинг бутун юзаси тер безлари билан қопланган. Улар нормал тана ҳароратини сақлаб туриш учун зарур бўлган намликни ҳосил қилади. Тер миқдори асаб импулслари ва қоннинг гормонал таркиби билан тартибга ссолинади.
Гипергидрознинг 2 та: биринчи ва иккинчи даражали турлари бор. Биринчи тури туғма терлаш бўлиб, унда терлашнинг сабаблари йўқ. Иккинчи даражали гипергидроз даволовчи препаратлар ичиш, гормонал ўзгаришлар ва айрим касалликлар туфайли содир бўлади.
Гипергидроз профилактикасида қуйидагилар тавсия этилади:
- Табиий матоли (пахта, зиғир) кийимларни кийинг;
- Кроссовка ва ёпиқ пойабзал остидан пайпоқ кийинг;
- Дезодорант эмас, антиперспирантдан фойдаланинг;
- Нам салфеткалардан фойдаланинг;
- Стрессга енгилманг;
- Терлашни кўпайтирадиган озиқ-овқат ва ичимликларни овқат рационидан олиб ташланг.