Фото: IXBTХитойнинг Meizu компанияси iPhone эгаларини ўзига жалб этишга уринмоқда. Ишлаб чиқарувчи iPhone фойдаланувчиларига Meizu 18 ва Meizu 18 Pro флагманларини бепул синаб кўришни тавсия этяпти, деб хабар беради IXBT.
Смартфонларни бепул синовдан ўтказишда қуйидаги ҳолларда рухсат берилади:
- ҳеч қачон Meizu смартфонларидан фойдаланмаган iPhone эгалари;
- кичикроқ экранга эга флагманларни маъқул кўрувчи фойдаланувчилар;
- махфийлик ва хавфсизликка алоҳида эътибор қаратувчи фойдаланувчилар.
Meizu расмийларининг маълум қилишича, Meizu 18 смартфони худди iPhone каби хавфсизлик ва фойдаланувчи маълумотларини ҳимоя қилишга мўлжалланган. Бундан ташқари, компаниянинг таъкидлашича, Meizu 18’дан фойдаланган инсон қўлида iPhone қурилмасини ушлаб тургандек ўзини ҳис қилади.
Аввалроқ Meizu ўзининг янги моделини iPhone смартфонларига устига қўшимча пул тўлаб, алмаштириш акциясини йўлга қўйганди. Ишлаб чиқарувчи янги Meizu 18 ва Meizu 18 Pro харидорлари ўз iPhone’ларини топширса, уларга жуда жозибадор чегирмаларни таклиф этмоқда.
Компаниянинг маълумотларига кўра, Meizu 18 ва Meizu 18 Pro’нинг янги фойдаланувчиларини 45 фоизи бунга қадар Apple смартфонларини ишлатган фойдаланувчилар ҳисобланади.