Фото: «Домашний Очаг»Пишириш жараёнидаги арзимаган камчилик ва хатолар товуқ гўштининг мазасига ҳам таъсир қилмай
қолмайди.
Бўлакларнинг катталигиГўшт бўлагининг усти қизариб пишган бўлса ҳам ичи яхши пишмай қолиши мумкин. Хом маҳсулотни истеъмол қилгандан кейин саломатликда бир қанча муаммолар кузатилади.
Бутунлигича қовуришҲеч қачон товуқ гўштини бутунлигича қовура кўрманг. Аввал икки, уч бўлакка бўлиб олинг. Шунда ичлари билан бир хил пишади.
НамликҚизиб турган ёғга солиб қовуришдан аввал товуқ усти нам бўлмаслигига эътибор қаратинг. Ҳаддан ортиқ нам гўшт унга буркалган тақдирда ҳам яхши қовурилмайди.
Товуқни талқон ёки унга икки карра буркангБунда қовуриш давомида гўшт бўкиб қолгандек пишади. Бундан қочиш учун қуйидаги услубдан фойдаланинг:
- зираворлар қўшиб аралаштирилган талқон ёки унни пакетга солинг;
- бўлакларга бўлинган товуқ солинг;
- пакетни яхшилаб ёпиб, силкитинг.
Нотўғри танланган идишҲатто 100 кишига товуқ қовуришингиз керак бўлса ҳам, уни кастрюлка бошқа чуқур идишда пиширманг. Фақатгина товада қовуриш давомида кўнгилдагидек кўринишга эга бўлиш мумкин.
Нотўғри қовуришҚизиб турган ёғга солганда товуқни тери билан қопланган тарафини пастга қарашига эътибор беринг.
Нотўғри ҳароратТовуқни товага солишдан аввал ёғ яхшилаб қизиганига эътибор қаратинг. Бошида ёғнинг иссиқлик даражаси 180 даража кейинроқ эса 140-150 даража бўлиши керак.
Бирданига ҳаммасини солиб қовуришБўлакларга бўлинган товуқни бирданига эмас, алоҳида-алоҳида қовурганингиз яхши. Орасида жой бўлиши иккинчи томонини айлантиришнинг осон бўлишига ёрдам беради. Қолаверса, зич терилган бўлса ёғ ҳарорати тушиб, товуқдан суюқлик ажралишади ва қовурилиш ўрнига бўкиб пишади.
Тованинг устини ёпмасликҚопқоғи ёпилганда ёғнинг ҳарорати бир маромда бўлади ва бу гўштнинг кўнгилдагидек пишишига ҳисса қўшади.
Дарҳол дастурхонга тортишПишганидан кейин товуқ бўлакларини қоғоз сочиқ устига териб, тинишини кутинг. Бу ичидаги шарбати тенг тарқаб, усти совиши учун керак.