Фото: Getty ImagesЯпонияда янги тиш ўстириш технологияси ишлаб чиқилди. Янги технология тишлари одамникига ўхшаш жиҳатларга эга бўлган сичқонлар ва сассиқкузанларда синовдан ўтказилган.
Science Advances илмий нашрида маълум қилинишича, даволаш методикаси организмни янги тишларни ўстиришга мажбур қиладиган моноклонал антитаналарга асосланган.
Тадқиқотнинг кўрсатишича, USAG-1 генини блоклаш суяк морфогенетик оқсили фаоллигини оширади. Бу молекулалар тана аъзолари ва тўқималар ўсишини тартибга солишга жавоб беради.
Ушбу оқсил фаолиятига аралашув жиддий ножўя таъсирлар келтириб чиқариши мумкин. Бироқ олимлар USAG-1’нинг суяк морфогенетик оқсили билан таъсирлашишини ўзгартирувчи бир қатор моноклонал антитаналарни текшириб, улар орасидан ножўя таъсир келтириб чиқармайдиган антитанани аниқлашган.
Технология сичқонлар ва сассиқкузанларда синовдан ўтказилди.
“Кейинги режамиз антитаналарни ит ва чўчқа каби бошқа ҳайвонларда синовдан ўтказишдан иборат”, деб маълум қилишган олимлар.