Фото: FacebookFacebook маълумотларни киритишга мўлжалланган браслетининг концептини тақдим этди. Компаниядагиларнинг сўзларига кўра, ҳозирда бирор номга эга бўлмаган мазкур технологияни яратиш учун 5-10 йил керак бўлади, деб ёзади Hi-Tech.Mail.ru.
Гап нерв сигналларини рақамли буйруқларга айлантириб берадиган қурилма ҳақида кетмоқда. Браслет билакка тақилганида фойдаланувчи бармоқларини шунчаки ҳавода қимирлаца, қурилма буйруқни ҳисобга олади ва маълумотларни виртуал киритиш имкониятини ёқади. Бу каби ҳолатда на клавиатура ва на сичқонча талаб этилади.
Ҳозирда бу каби технологиядан AR ва VR-гарнитураларида фойдаланилмоқда. Улардаги камералар имо-ишораларни кузатади ва тегишли сигналларни қурилмага узатади. Бироқ Facebook ушбу «илмий технология»ни бошқа даражага олиб чиқиш ва камерасиз фойдаланиш ниятида — браслетлар ҳолатида гап мия томонидан «шифрланган» ва мушаклар орқали узатилган нерв импулсларини қайта ишлаш ҳақида кетмоқда.
Фото: Facebook
Бу турдаги браслетларнинг муаммоси — сигналларни юқори аниқликда қайта ишлаш. Future Interfaces Group директори Крис Харрисоннинг сўзларига кўра, ҳар бир инсоннинг нерв толалари худди қўл ва билаклар шакли каби бир-биридан бироз фарқ қилади. Фойдаланувчи битта ҳаракатни бажариб буйруқ берса, тизим эса уни бошқача қабул қилса, визуал-тактил номутаносиблик хавфи юзага келади.