Фото:«34travel»2020 йил охирида Канада меҳнат муҳожирлари учун энг жозибали мамлакатга айланди, дея хабар беради РИA Новости BCG ва The Network томонидан ўтказилган «Жаҳон истеъдодлар бозорини таҳлил қилиш - жисмоний ва виртуал» тадқиқотига асосланиб.
«Канада меҳнат муҳожирлари учун энг жозибали мамлакат сифатида AҚШдан ўзиб кетди», дейилади тадқиқотда.
Бундан ташқари, кучли ўнликка Aвстралия, Германия, Буюк Британия, Япония, Швейцария, Сингапур, Франция, Янги Зеландия ҳам киради.
Шу билан бирга, сўров натижаларига кўра, ишлаш учун бошқа мамлакатга кўчиб ўтишга қизиқиш анча пасайган. Шундай қилиб, 190 мамлакатдан келган 209 минг иштирокчидан тахминан 50 фоиз қисми кўчишга тайёр, бу кўрсаткичлар мос равишда 2014 йилда 64 фоиз ва 2018 йилда 57фоизни ташкил этган.