«Замин»ни Telegram’да ўқинг! Join!
Zamin.uz
, 28 2024, 14:48
ЎЗO‘Z

Андижондаги шамол сабаб бир нечта бино талафот кўрди, уй томи эса Damas’ни босиб қолди

23 янв, 00:13 3 330 Жамият
«Замин»ни Telegram’да ўқинг!
Андижондаги шамол сабаб бир нечта бино талафот кўрди, уй томи эса Damas’ни босиб қолди Фото: Асака туман Фавқулодда вазиятлар бўлими
Андижон вилоятида 22 январь куни тонгда содир бўлган кучли шамол бир нечта бино томи ва айрим қурилмаларга зарар етказди, дея хабар берди «Дарё» нашри.

Айтилишича, Улуғнор туманининг «Шаҳриобод» маҳалласи ҳудудидаги иккита кўп қаватли уйнинг том қисми учиб кетиши оқибатида электр симлари узилган. Кўнгилсиз воқеадан ҳеч ким жабр кўрмаган.

Фото: Асака туман Фавқулодда вазиятлар бўлими
Вилоят уй-жой коммунал хизмат кўрсатиш бошқармаси ахборот хизматининг маълум қилишича, ҳодиса ҳақида хабар берилгач ишчи гуруҳ воқеа жойига етиб борган ва носозликларни бартараф этишга киришган.

Фото: Асака туман Фавқулодда вазиятлар бўлими
«Мутасаддилар табиий офатдан зарар кўрган кўп қаватли уйлар ҳолатини ўрганиб, муаммоларни бартараф этишга киришди. Қурилиш отряди ўз ишини бошлаб юборди. Томни ёпиш ишлари бир неча кун ичида якунига етказилади. Шу ўринда юртдошларимиздан ижтимоий тармоқларда тарқатилаётган ҳар хил миш-мишларга ишонмасликларини сўраб қоламиз. Ҳаммаси назорат остида. Ваҳимага ўрин йўқ», — дейди вилоят уй-жой коммунал хизмат кўрсатиш бошқармаси бошлиғи Расулбек Тўланов.

Фото: Асака туман Фавқулодда вазиятлар бўлими
Таъкидланишича, кучли шамол Асака туманининг «Улуғбек» маҳалласи, Садақайрағоч кўчаси, 151-хонадонида яшовчи фуқаро Ғ.А.нинг дарвозахонаси ва қурилиши битмаган уйининг том қисмини ҳам учириб кетиб, уй эгасининг Damas’ини босиб қолган.

Фото: Асака туман Фавқулодда вазиятлар бўлими
Асакалик журналист Бобирмирзо Ҳожиакбаровнинг айтишича, чақирувга асосан ушбу хонадонга Асака тумани Фавқулодда вазиятлар бўлими ходимлари соат 07:35 да етиб борган. Талафот кўрган хонадон соат 10:05 га қадар тартибга келтирилган. Ҳодиса оқибатида ҳеч ким жабрланмаган.

Фото: Асака туман Фавқулодда вазиятлар бўлими
Аввалроқ Андижонда ҳам қор бўрони сабаб юзага келган кўнгилсиз ҳодисалар юз бергани маълум қилинганди. Хусусан, Андижон шаҳридаги «Рубоий» кафеси олдидаги реклама баннери устуни шамолда эгилиб кетган. Бундан ташқари, Боғишамолдаги эски машина бозоридаги дўконнинг томи учиб кетиб, Damas устига қулаган, Шаҳрихонда «Ватанпарвар» ташкилотининг томи шамолда учиб кетиб, Espero ва Damas’ни босиб қолган, Асакада бодринг экилган иссиқхоналарнинг плёнкаси учиб кетган.

Фото: Гулшода Аҳмаджонова
«Ўзгидромет» Ўзбекистонда ҳафтанинг иккинчи ярмидан шамол тезлиги кучайиб, қор ёғишини, шамол тезлиги 17-22 метр/секундни ташкил этиши, баъзи жойларда 25-28 метр/секундгача етишини маълум қилганди. Тошкент ИИББ пойтахтда кучли шамол бўлиши кутилаётгани сабабли аҳолини огоҳлантирганди.




Мавзуга оид янгиликлар
  • Тошкентдан Фарғона водийсига микроавтобус қатнови ташкил этилади 28 мар, 14:43 0
  • Тошкентда 29 март куни «Автомобилсиз кун» тадбири ўтказилади 28 мар, 14:24 0
  • Тошкентда ўқувчисининг номусига тегмоқчи бўлган мусиқа ўқитувчиси 8 йилга қамалди 28 мар, 11:39 68
  • Бобур Йўлдошев биринчи рафиқасининг вафоти, тўйга чиқмаслиги ва ёлғизлиги ҳақида гапирди 28 мар, 10:17 289
  • Фарғонада Telegram бот орқали ўзгаларнинг пулларини ўзлаштириб келган 17 ёшли йигит ушланди 28 мар, 06:00 53
  • Шавкат Мирзиёев АҚШлик юқори мартабали амалдорларни қабул қилди 27 мар, 23:36 68
  • Сўнгги янгиликлар
  • Дубай ҳукмдорининг энг гўзал қизи қандай ҳаёт кечиради? 28 мар, 13:31 75
  • Россия ФВВ: Crocus'даги теракт: қурбонлар сони 143 кишига етди 28 мар, 13:10 32
  • Усмоновнинг шикояти бўйича Германияда икки прокурорга нисбатан иш очилди 28 мар, 12:49 63
  • Терактдан кейин Россиядаги Тожикистон фуқаролари нафрат ва тажовузга дучор бўлмоқда 28 мар, 12:00 269
  • Тошкентда ўқувчисининг номусига тегмоқчи бўлган мусиқа ўқитувчиси 8 йилга қамалди 28 мар, 11:39 67
  • БМТ Хавфсизлик кенгаши Ғазода оташкесимни талаб қилди. Бу нимани англатади? 28 мар, 11:10 62
  • АҚШ давлат котиби Москвадаги терактга изоҳ берди: «ИШИД ҳамон катта таҳдид бўлиб турибди» 28 мар, 10:44 73
  • Бобур Йўлдошев биринчи рафиқасининг вафоти, тўйга чиқмаслиги ва ёлғизлиги ҳақида гапирди 28 мар, 10:17 289
  • Путин «Crocus City Hall»даги теракт туфайли олий мартабали кучишлатарларнинг истеъфосини тайёрламоқда 28 мар, 09:48 292
  • Россия Ғазога 29 тоннадан ортиқ инсонпарварлик ёрдами жўнатди 28 мар, 09:22 43
  • Туркия ҳарбийлари Курдистон ишчи партиясига алоқадор 5 нафар террорчини йўқ қилди 28 мар, 08:57 51
  • Америкалик эксперт: АҚШ дунёни бошқарамиз деб ўйлайди 28 мар, 08:22 236
  • Бўлимлар