«Замин»ни Telegram’да ўқинг! Join!
Zamin.uz
, 25 2021, 16:20
ЎЗO‘Z

"Насаф"дек клуб йўқ бўлиб кетса, кейин аттанг қилиб қоламиз" - Сергей Кучеренко

21 янв, 07:48 1 574 Спорт
«Замин»ни Telegram’да ўқинг!
"Насаф"дек клуб йўқ бўлиб кетса, кейин аттанг қилиб қоламиз" - Сергей Кучеренко Кеча Қарши шаҳрида "Насаф" клубидаги молиявий муаммоларни ечиш масалалари муҳокама қилинди. Қашқадарё вилояти ҳокими Зойир Мирзаев ўтказган мазкур йиғилишда ЎФА вакили, Қашқадарё ФА вакили, вилоят ДХХ вакили, "Шўртан газ кимё мажмуаси" бош директори-"Насаф" клуби президенти Шуҳрат Асланов, "Насаф" клуби бош директори Сергей Кучеренко ва "Насаф" клуби бош мураббийи Рўзиқул Бердиев иштирок этди. Биз "Насаф" клуби бош директори Сергей Кучеренкога қўнғироқ қилиб ҳозирги вазият ҳақида сўрадик.

"Кеча ҳақиқатдан ҳам юқори даражадаги йиғилиш бўлиб ўтди. Унда "Насаф" клубининг келажаги муҳокама қилинди. Биласизми ўтган мавсум жамоамиз Суперлигада иккинчи ўринни эгаллади. Бу ажойиб натижа. Айни пайтда Ўзбекистонда молиявий ҳолат ва таркиб жиҳатидан "Пахтакор" билан ҳеч ким тенглаша олмайди. Бизнинг йигитлар мен учун ҳақиқий чемпион. Шундай экан уларга шунчаки кумуш медаль тақиб қўйиш тўғри бўлмасди. Уларни муносиб рағбатлантириш зарур. Вилоят ҳокими ва клуб раҳбарияти тез фурсат ичида барча қарздорликлар бартараф этилишини маълум қилишди. Бунинг учун бор кучлар ишга солинади.

Биласизми 2020 йил бутун дунё учун оғир бўлди. Бу клубимизга ҳам таъсир қилмай қолмади албатта. Футболда ҳар куни ишлаш керак, футболчиларга шароит яратиб бериш бизнинг вазифамиз. Футболчилар шундай касб эгасики ҳар куни машғулотга боради, дам олади ва футбол ўйнайди. Асосий вақти базада ўтади. Шундай экан улардаги мотивация юқори бўлиши учун рағбатлантириш зарур.

"Насаф"даги инфратузилма ҳаттоки "Пахтакор"да ҳам йўқ деб бемалол айта оламан. Ҳисоблаб чиқсак "Насаф"да ўсмирлар, ёшлар ва миллий терма жамоаларида ўйнаши мумкин бўлган 30дан ортиқ номзод бор экан.

Пул бор жойда ишончсизлик ҳам бўлиши табиий. Марҳамат кимда шубҳа бўлса исталган ташкилот келиб текшириши мумкин. Биз ҳар бир сўм нимага сарфланганини кўрсатиб бера оламиз. Мен раҳбар бўлган икки йилни олсак бу даврда бир қатор таъмирлаш ишлари олиб борилди, база, бассейн ремонт қилинди. "Спутник"да янги майдон барпо этилди. Майдонларга сув сепиш ишга туширилди.

Биламан ҳозирги пандемия вақтида балки кимларгадир футбол керак эмасдек туюлар, бироқ агар ҳозир клубга юзаки қарасак эртага аттанг қилиб қолишимиз аниқ. "Насаф"да пойдевор бор, бекорга 3 йилдан буён "Насаф" U-18 чемпион бўлиб келмаяпти. "Насаф"да ёш болаларнинг таълим олиши ҳам эътибор жуда катта. Масалан яқин вақт ичида академияга келадиган 6-7 ёшли болалар ҳафтасига уч марта рус ва инглиз тилини ўрганишади.

Йигитларга, мураббийларга катта раҳмат айтаман. Улар ўтган мавсум қийин вазиятга қарамай кумуш медалларни қўлга киритишди. Ишонаманки раҳбарият бизни шундай ҳолатда ташлаб қўймайди. Такрорлайман агар кимда шубҳа бўлса бемалол келиб текшириши мумкин. Сарфланган пуллар эвазига нималар қилингани, нималар қурилганини кўрсатамиз. Барчаси шаффоф бўлиши зарур.

Насиб қилса эртага футболчилар тиббий кўрикдан ўтишади. Мураббий ва футболчилар билан ҳам шартнома узайтириш устида иш олиб борилмоқда. 4 нафар футболчининг шартномаси тугаган, улар ёки чет эл клубига кетиши ёки ўзимизда қолиши борасида музокара олиб борилмоқда. Масалан, Азизжон Ғаниев хорижга кетдику. Маълумот учун Ғаниевнинг трансферидан тушган пуллар эвазига клуб қийин вазиятда кун кўрди. Агар бу трансфер бўлмаганида жуда ҳам қийналиб қолардик.

Тўғри Осиё чемпионлар лигасига йўлланма олдик, лекин унда иштирок эта олмаймиз. ОЧЛ учун лицензиядан ўта олмаслигимизга молиявий қарздорлик сабаб бўлди. Пандемия туфайли футболчилардан 5 ойлик қарзимиз бор эди. Шу вақтда лицензиялаш амалга оширилди. Лицензиялашни охирига етказа олмаганлар аллақачон клубдан кетишган ва ҳозир "Насаф"да эмас.

Мақсадимиз январь ойи охиригача ўтган йилги барча қарзлардан бутунлай қутулиш ва февраль ойида 2021 йилги январь ойининг маошини бериш", - дейди Сергей Кучеренко.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • "Насаф" ОЧЛ лицензиясини оладими? Клуб ОФКдан хат кутмоқда... 11 дек, 12:45
  • Қашқадарё вилояти ҳокими "Насаф"ни табриклади 29 ноя, 18:53
  • Зоир Мирзаев "Насаф"ни қўлламоқда: Жамоага легионерлар келиши аниқ бўлди 12 янв, 15:13
  • «Насаф» сардори «Пахтакор»га ўтди 03 янв, 21:49
  • "Қизилқум"га қарши ўйин Бердиев учун "Насаф" бошқарувидаги сўнгги имконият бўлиши мумкин 02 окт, 12:08
  • “Насаф” клуби бош менежери: Азизжон Ғаниевни Европага сотамиз, бизда таклифлар бор 24 мая, 21:20
  • Сўнгги янгиликлар
  • Одил Аҳмедов фаолиятини бошқа жамоа сафида давом эттиради 25 фев, 16:00 0
  • Беҳаё видео эвазига пул талаб қилган аёл қўлга олинди 25 фев, 15:33 55
  • Қўшнисининг юрагидан таом тайёрлаган қотил 3 йилда озодликка чиқди 25 фев, 15:10 101
  • Фарғоналик бойнинг қизи билан ёзишган 14 ёшли ўқувчи калтакланди (видео) 25 фев, 14:44 372
  • «Ўзгидромет» 26 февраль куни қандай об-ҳаво кутилаётганини маълум қилди 25 фев, 14:20 481
  • Самарқандда «қанотли» бузоқча туғилди (видео) 25 фев, 13:53 322
  • Солиқ ва иш ҳақидан бўлган 112 млн. сўм миқдордаги қарздорлик ундирилди 25 фев, 13:30 130
  • МИБ: Избосканда 10 та оила яраштирилди 25 фев, 13:08 103
  • Фирибгарлик билан боғлиқ ҳолатларга чек қўйилди 25 фев, 12:45 151
  • Интернетда тарқалган эримайдиган қорнинг сири ошкор бўлди (видео) 25 фев, 12:13 637
  • 1 апрелдан бошлаб интернет орқали савдо қиладиганлар солиқ органларига хабар бериши шарт бўлади 25 фев, 11:35 223
  • «Улар коронавирусдан ҳам ёмонроқ» — Шерзод Кудбиев «нақдлаштирувчилар» ҳақида 25 фев, 11:11 280
  • Бўлимлар