«Замин»ни Telegram’да ўқинг! Join!
Zamin.uz
, 29 2024, 15:19
ЎЗO‘Z

Баҳодир Жалоловнинг Токио Олимпиадасидаги асосий рақиби ким?

19 янв, 13:13 2 196 Спорт
«Замин»ни Telegram’да ўқинг!
Баҳодир Жалоловнинг Токио Олимпиадасидаги асосий рақиби ким? Ҳозирда боксимизнинг ёрқин вакили Баҳодир Жалолов АҚШда машғулотларини давом эттирмоқда. У Токио Олимпиадасига йўлланмани қўлга киритиб улгурган. Албатта, у Токиода юқори маррани кўзламоқда, чунки бунга қадар ҳаваскор боксда энг нуфузли чемпионатларни юта олди. Ундан мухлисларнинг ҳам умиди катта... Биз ушбу ҳамюртимиз билан боғланиб, Олимпиадага доир бир нечта саволлар билан мурожаат қилдик.

- Профессионал боксдаги фаолиятингиз сизни янада ўсишингиз учун хизмат қилди, деб айта оламиз. Бироқ, Олимпиадага яқин ҳам профессионал боксга ихтисослашган мураббийлар қўл остида машғулот ўтказиш ва жангга ҳозирлик кўриш салбий жиҳатдан таъсир қилмайдими?
- Йўқ. Аксинча, профессионал бокс менга ҳаваскор йўналишдаги фаолиятимга ёрдам бермоқда. Чунки, бу йўналишда спарринг жанглар камида 6-7 раунд бўлади. Маълумки, ҳаваскор боксда 3 раунд бўлади. Мен ушбу 6-7 раунд мобайнида ҳаваскор боксдаги каби тезкорлик билан ишлашга ҳаркат қиляпман. Ўйлайманки, бу Олимпиадада ўз самарасини бериши керак. Шунга умид қилмоқдамиз.

- Олимпиадага сўнги тайёргарлик босқичини қаерда ўтказиш режангизга киритилган?
- Сўнги тайёргарлик босқичи насиб қилса, Ўзбекистонда бўлади. Сабаби, Олимпиададан аввал ҳаваскор йўналишдаги жангларни кўришим керак.

- Токиода сизга дуч келиши мумкин бўлган энг жиддий рақиблар ҳақида тўхталиб ўтсангиз?
- Бу борада аниқ биттасини таъкидлаб ўта олмайман. Барча рақибларим рингга ютаман деб чиқади. Аслида, ҳаммасини жиддий рақиб сифатида кўраман. Нисбатан оладиган бўлсак, жаҳон чемпионатида австралиялик, россиялик ва қозоғистонлик боксчилар билан бирга шоҳсупани юқори поғоналарини забт этдик. Ўшаларни айтиб ўтишим мумкин. Қолаверса, франциялик ҳамда Германия вакилини ҳам айтиб ўтган бўлардим. Умуман Европада азалдан оғир вазн тоифаларида кучли боксчилар бўлган.

- Сиз ўз вақтида қозоғистонлик Иван Дичко билан тўқнаш келгансиз. Шунингдек Қамшибек Кункабаев билан ҳам... Айтингчи, уларнинг қай бири нисбатан кучли ва ноқулайроқ эди?
- Иван Дичко билан тўқнаш келган вақтим тажрибам у қадар юқори эмасди. Ҳар иккиси кучли рақибларимдан деб айта оламан. Бироқ, Иван Дичкога юқорида таъкидлаб ўтганимдек, тажрибам йўқлиги учун ютқазганман. Ўша вақт вазним ҳам оғир тоифага камлик қилар эди. Аммо, шуни айтиб ўтишим мумкинки, Иван Дичкога нисбатан Қамшибек Кўнкабоев тезкор боксчи саналади.

- Токио Олимпиадасидан кейин бор эътиборингизни профессионал боксга қаратасизми?
- Иншааллоҳ! Олимпиададан кейин профессионал боксда фаолият юритаман.

- Мухлислар фақат сиздан олтин медаль кутишмоқда ва ишончи ҳам юқори... Сиз уларга бу борада қандай сўзларни айта оласиз?
- Аввало, Аллоҳни айтгани бўлади. 2016 йили мағлубиятга учраганмиз. Бу хатони такрорламасликка ҳаракат қиламан. Рингдан фақат ғолиб сифатида тушиш илинжидаман. Барча мухлисларимизга қўллаб-қувватлаб турганликлари учун ўз миннатдорчилигимни билдириб қоламан. Насиб қилса, уларнинг юзини ерга қаратмайман деган умиддаман!




Мавзуга оид янгиликлар
  • Вадим Абрамов: "Бундай сифатли ва савияли футболчига доим таркибда жой топилади" 29 мар, 11:50 103
  • Шомуродовнинг аҳволи ҳақида маълумот берилди 29 мар, 10:53 237
  • Сўровнома: Нурсултон Рўзибоев 1-раунддаёқ рақибини "ухлатиб" қўяди 29 мар, 10:25 122
  • Шоҳжаҳон Эргашев панамалик боксчини биринчи раунддаёқ нокаутга учратди (видео) 29 мар, 08:35 224
  • Мексикадаги матбуот анжуманида бутун жамоа иштирок этиб, мухлислардан узр сўради 28 мар, 23:27 206
  • Футзал. Ўзбекистон иккинчи ўйинда Қирғиз Республикасини мағлуб этди 28 мар, 22:56 95
  • Сўнгги янгиликлар
  • Путиннинг атрофидагилар Украинанинг «Крокус»даги терактга алоқадорлигига ишонмаяпти 29 мар, 14:48 0
  • Ўзбекистон — Гонгконг футбол учрашувидан сўнг уч кишига маъмурий қамоқ жазоси тайинланди 29 мар, 14:22 2
  • Ҳибсдан вақтинча озод этилган Дани Алвес тонггача зиёфат уюштирди 29 мар, 14:01 1
  • Тошкентда хавфли ҳолат содир этиб, қарама-қарши ҳаракатланган ҳайдовчига чора кўрилди 29 мар, 13:30 4
  • Музликларнинг эриши Ернинг айланиш тезлигини ўзгартирмоқда 29 мар, 13:06 50
  • Полшада Россия жосуслик тармоғи иши бўйича тинтувлар ўтказилди 29 мар, 12:39 39
  • Samsung ўз тарихидаги энг яхши селфи камерали смартфонни намойиш этди 29 мар, 12:12 23
  • Вадим Абрамов: "Бундай сифатли ва савияли футболчига доим таркибда жой топилади" 29 мар, 11:50 103
  • Чехия европалик сиёсатчиларни Россиядан пора олиш схемасини фош этганини даъво қилмоқда 29 мар, 11:20 90
  • Шомуродовнинг аҳволи ҳақида маълумот берилди 29 мар, 10:53 237
  • Сўровнома: Нурсултон Рўзибоев 1-раунддаёқ рақибини "ухлатиб" қўяди 29 мар, 10:25 122
  • Роналдунинг либосини кийган таниқли блогер Мессига алоқадор ресторандан ҳайдаб юборилди 29 мар, 10:02 133
  • Бўлимлар