Фото: Getty ImagesЕнгил вазн тоифасида ҳаракат қилувчи UFC жангчиси Дастин Порье (26-6) икки дивизион собиқ чемпиони Конор Макгрегорга (22-4) қарши кечадиган жанг ҳақидаги фикрлари билан ўртоқлашди.
- "Охирги олти йил ичида мен кучлилар билан жанг қилдим, камар учун курашга қўшилдим. Бу вақт ичида, адашмасам, беш нафар собиқ чемпионни енгдим. Шу сабаб ҳозирда бошқача онларни бошдан кечиряпман. Мен Макгрегордан кучлиман. Буни жангда кўрасиз.
Аниқлик ва куч борасида Конор — UFC тарихидаги энг яхшилардан бири. У рақибларини нокаутга учратади, бироқ бу унинг грепплингда (яқин масофадаги жангда рақибни таслим этишга қаратилган жанг услуби — изоҳ «Дарё») ёмонроқ эканини англатмайди. Ҳа, уни таслим этишган, бироқ бу мен билан ҳам содир бўлган. У юқори даражадаги грепплингчи эканини биламан.
Ўзимни қулай ҳис қилишни, оғриқ сезишни хоҳлайман, иккимиз ҳам узоқроққа боришимизни ва ким нимага қодирлигини кўришни истайман", - дейди Дастин Порье.
Эслатиб ўтамиз, Конор — Порье жанги 23 январь куни Абу-Дабида бўлиб ўтадиган UFC 257 мусобақасининг асосий воқеаси бўлади.
Бу Конор ва Порье ўртасидаги иккинчи жанг бўлади. 2014 йил бўлиб ўтган UFC 178 мусобақасида Конор рақибини нокаутга учратганди.