UMS (Universal Mobile Systems) мобил оператори Ўзбекистон Республикаси Ахборот технологиялари ва коммуникацияларини ривожлантириш вазирлиги томонидан АКТ соҳаси мутахассислари учун уюштирилган бўш иш ўринлари ярмаркасида иштирок этди.UMS компанияси ёшларнинг интеллектуал салоҳиятини намоён этиш ва мартабасини оширишга бўлган ҳуқуқини амалда қўллаб-қувватлаган холда, ушбу анъанавий бўш иш ўринлари ярмаркасида иккинчи йил муваффақиятли иштирок этмоқда. Бу йилги тадбир республика бўйлаб минглаб ташриф буюрувчилар эътиборини тортди. Улар ичида юқори курс талабалари, олийгох ва ўрта махсус, касб ҳунар таълим муассасалари битирувчилари ҳамда бошқа истиқболли кадрларни кўриш мумкин эди.
UMS компанияси ёш мутахассисларга АКТ, сотувлар ва хизмат кўрсатиш соҳалари, мобил оператор фаолиятини бошқариш (менежмент) ва молиявий таъминлаш бўйича бўш иш ўринлари ҳақида долзарб маълумот берди. Компания стенди ярмарканинг юзлаб меҳмонлари эътиборини тортди – улар UMS жамоасида, шу жумладан республика ҳудудларидаги офисларида профессионал ривожланишни бошлаш ёки давом эттириш мақсадида ўз анкета ва резюмеларини тақдим этишди.
— UMS — алоқа ва телекоммуникация миллий бозорида энг нуфузли иш берувчилардан бири ҳисобланади. Ўйлайманки, шунинг учун ҳам ёшлар компаниядаги мавжуд бўш иш ўринларига катта қизиқиш билан ёндошмоқда, — дейди Қорақалпоғистон Республикасидан бўлган Тошкент ахборот технологиялари университети магистранти Молдир Сагиева. — Мен Сотувлар ва хизмат кўрсатиш офиси мутухассиси лавозимига бўлган бўш иш ўрнига даъвогар сифатида рўйхатга олиндим. Бундай фаолият билан шуғулланганлигим учун менга мос иш. Ўйламанки, бу мартабамни ошириш сари қўйилган салмоқли қадамим бўлади.
Бўш иш ўринлари ярмаркаси UMS рекрутерлари ва ёш мутахассислар ўртасида алоқа ўрнатилишига, ёшлар ишга жойлашиш бўйича қизиқтирган саволларига жавоб топишига ажойиб имконият яратди.
UMS мобил операторининг мавжуд бўш иш ўринлари бўйича маълумотни www.ums.uz сайтидаги тегишли бўлимдан олиш мумкин. Эндиликда компанияга резюмени тайёр онлайн-анкета шакли орқали юбориш ҳам мумкин.