ИИО ходимларидан қочган маст ҳайдовчи Malibu’сини дарахтга бориб урди

^{Кадр: Telegram / @YHXBB}
Навоий вилоятида ички ишлар органлари ходимлари талабини бажармаган ва маст ҳолда машина бошқарган ҳайдовчи дарахтга бориб урилди. Бу ҳақда ЙҲХББ ахборот хизмат хабар берган.

Спиртли ичимликлар таъсирида бўлган Malibu ҳайдовчисига жароҳат етмган. Аммо у воқеа жойига етиб келган ЙҲХБ ходимларининг талабини бажармаган ва узоқ вақт давомида машинаси ичида қулфланиб ўтирган.

Ҳайдовчининг нимани ўйлагани, қандай мақсадда Malibu ичида қулфланиб ўтиргани ҳақида бошқарма эълон қилган видеода аниқ маълумот берилмаган.

Ҳайдовчи муайян вақт ўтгач, машинадан тушган ва ЙҲХБ ходимлари билан биргаликда тиббий экспертиза текширувидан ўтиш учун йўл олган. Malibu эса эвакуаторда жарима майдонига олиб кетилган.