Moderna компанияси коронавирусга қарши вакцинаси 94 фоиздан ортиқ самарадорлик кўрсатганлигини маълум қилди

^{Фото: REUTERS/Dado Ruvic/Illustration/File Photo}
Американинг Moderna компанияси ўзи ишлаб чиққан коронавирусга қарши вакцина синовларнинг учинчи босқичида 94,5 фоиз самарадорлик намойиш этганини маълум қилди.

Самарадорлик кўрсаткичи 30 минг нафар кўнгилли иштирок этган учинчи босқич натижаларига асосланган.
Аввалроқ Pfizer ва BioNtech вакцинаси 90, «Спутник-V» 92 фоиз самарадорлик кўрсатганлиги айтилганди.

Компаниядагиларнинг қайд этишларича, синовда қатнашганларнинг аксариятида эмлашдан сўнг ножўя таъсирлар кузатилмаган.
Ҳозирда якунловчи — учинчи босқич синовлари дунёда бир неча вакциналарда ўтказилмоқда. Россиянинг «Спутник V», АҚШдаги AstraZeneca, Pfizer ва BioNtech компаниялари, шунингдек, Хитойнинг бир неча вакциналари шулар жумласидандир.