Мажбурий ижро бюроси органлари томонидан солиқ қарздорликларини ундириш билан боғлиқ ижро ҳужжатлари ижросини таъминлаш мақсадида тегишли чоралар кўрилмоқда. Жумладан, Бюронинг Норин туман бўлими иш юритувига жорий йилнинг 2 сентябрда келиб тушган Наманган вилояти солиқ бошқармасининг қарздор “Норин пахта тозалаш” АЖ дан 3.806.105.369 сўм солиқ қарзини ундириш тўғрисидаги ижро ҳужжати мавжуд.
Мазкур ижро ҳужжати ижросини таъминлаш учун қарздорга 15 кунлик ихтиёрий муддат берилишига қарамасдан ижро ҳужжати талаби бажарилмаган.
Шундан сўнг бўлим томонидан олиб борилган бир қатор мажбурий ижро ҳаракатлари натижасида қарздор “Норин пахта тозалаш”дан 903 млн. сўм солиқ қарзи ундирилшига эришилди.
Бундан ташқари қарздорнинг жами 3.2 млрд. сўм қийматидаги мол-мулклари хатланиб, шундан 2.1 млд. сўмлиги электрон онлайн аукцион савдоларига чиқарилди.