«Замин»ни Telegram’да ўқинг! Join!
Zamin.uz
, 21 2021, 13:33
ЎЗO‘Z

Стратегик мақсад: таълим-тарбия соҳасини кескин ўзгаришлар кутмоқда

31 окт, 16:27 1 018 Жамият
«Замин»ни Telegram’да ўқинг!
Стратегик мақсад: таълим-тарбия соҳасини кескин ўзгаришлар кутмоқда Бугун замоннинг шиддаткор тўлқинларига бардошли бўлишнинг, ривожланиш ва тараққиётнинг, қолаверса, глобал интеграциянинг ягона йўли таълим-тарбия ва илм-фанни ривожлантириш экани исбот талаб қилмайдиган аксиомага айланди. Ана шу ҳаётий ҳақиқатни рўёбга чиқариш Ўзбекистоннинг стратегик мақсадларидан биридир. Ушбу мақсадни амалга ошириш учун эса натижаларга бехато эришиш имконини берадиган ислоҳотлар керак. Мамлакатимизда бу жараён бошланди.

Норматив-ҳуқуқий ҳужжатлар лойиҳалари муҳокамаси порталига жамоатчилик муҳокамаси учун жойлаштирилган «Мамлакатимиз таълим-тарбия тизимини янада такомиллаштириш, илм-фан соҳаси ривожини жадаллаштиришга оид қўшимча чора-тадбирлар тўғрисида»ги Ўзбекистон Республикаси Президенти фармони лойиҳаси айнан таълим-тарбия тизимида туб бурилиш ясаши кутилаётган ҳужжатдир.

Юсуф Хос Ҳожибнинг «ўқув қайда бўлса, улуғлик бўлур, билим қайда бўлса, буюклик бўлур» деган ҳикматли сўзларининг амалдаги тасдиғини таъминлайдиган мазкур фармон лойиҳасига кенг жамоатчилик ўз таклиф ва мулоҳазаларини билдирмоқда, туман, шаҳар халқ депутатлари маҳаллий Кенгашлари сессияларида муҳокама қилинмоқда. Зеро, унда мамлакатнинг янги тараққиёт даврида таълим-тарбия ва илм-фан соҳаларини янада ривожлантиришнинг асосий йўналишлари белгиланмоқда.

Эътиборли жиҳати, ҳужжат лойиҳасида Ўзбекистон Республикасида таълим ва тарбия тизимини янада такомиллаштиришга қаратилган комплекс чора-тадбирлар дастурининг тасдиқланиши кўзда тутилган. Бу билан соҳада йиллар давомида тўпланиб қолган, таъбир жоиз бўлса, тизимнинг илигини қуритган муаммоларга барҳам берилади. Масалан, жамиятда тарбиячи ва ўқитувчи мавқеини ошириш, уларни маънавий ва моддий қўллаб-қувватлаш, мактабгача таълим тизими сифати ва самарадорлигини ошириш, болалар қамровини ошириш ва мактабгача таълим муассасалари сонини кўпайтириш чора-тадбирлари белгиланмоқда.

Мамлакат тақдирини таълим-тарбияда дея билган Абдурауф Фитрат «Ҳаёт йўлида биринчи масала – мактаб масаласидир» деб айтган эди. комплекс чора-тадбирлар дастурида иқтидорли ўқувчиларни саралаш ва юқори малакали кадрлар тайёрлашнинг узлуксиз тизимини такомиллаштириш, уларга зарур шарт-шароитларни яратиш бўйича ишларнинг белгиланиши эътибордан четда қолаётган билимдон ёшларни қўллаб-қувватлаш, айнан ана шундай ёшларга билим бера оладиган педагоглар сонининг ортишига олиб келади. Шу ўринда бир мулоҳаза.

Аслида ҳар бир болада ўзига яраша иқтидор бўлади. Уни аниқлаш ва ривожлантириб бориш эса малакали кадрларга боғлиқ. Фармон лойиҳасида ушбу масалалар ҳам назардан четда қолмаган. Масалан, таълим муассасалари битирувчилари ўзининг иқтидори ва қизиқишларига мос касбни танлаб олиши, меҳнат бозорида муносиб ўринини топиши, касбий фаолиятида муваффақиятга эришиши учун касбга йўналтириш тизимини жорий этиш кўзда тутилган.

Фармон лойиҳаси мени депутат сифатида, қолаверса, бир неча йиллар давомида таълим соҳасида фаолият юритган мутахассис сифатида бефарқ қолдирмади. Аслида у Ўзбекистонинг ҳар бир фуқароси, келажак авлодлари тақдирига дахлдор ўта муҳим ҳужжатдир. Лойиҳа қанчалар маромига етса, билим бўлади, буюклик бўлади.

Ақшагул ТУЛEГEНОВА,
Олий Мажлис Қонунчилик палатаси депутати,
ЎзЛиДеП фракцияси аъзоси




 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Саида Мирзиёева: «Биз бошлаган очиқлик йўли ортга қайтмасдир» 28 сен, 18:53
  • COVID-19 марказида ишлаш учун пул талаб қилганлар қўлга тушди 13 сен, 22:05
  • Олий таълимда янги ўқув йили онлайн тарзда йўлга қўйилади 02 сен, 09:57
  • Хоразмда «бола пули» тайинлаш эвазига 400 минг сўм талаб қилган маҳалла раиси қўлга олинди 31 авг, 09:30
  • Ўзбекистонда қанча одам ишга муҳтожлиги расман маълум қилинди 23 мая, 11:48
  • “O‘zbekiston” телерадиоканалида “Мулоқот вақти” кўрсатуви жонли кўрсатилади 03 авг, 20:02
  • Сўнгги янгиликлар
  • ДХХ ва ИИВ томонидан “жиходчилар” экстремистик оқимининг яширин гуруҳи аъзолари қўлга олинди 21 янв, 13:26 0
  • ДХХ 3 млн. 720 минг АҚШ доллари олган фирибгарни ушлади 21 янв, 12:58 0
  • АҚШнинг махсус элчиси Ўзбекистон президенти билан суҳбатлашди 21 янв, 12:29 0
  • Қувада 19 ёшли қизни уч киши зўрлаб номусига теккани айтилмоқда 21 янв, 11:55 34
  • Жо Байден Трамп ёпган дарвозаларни очмоқчи 21 янв, 11:30 149
  • Антикоронавирус хусусиятга эга ичимлик 21 янв, 11:00 130
  • «Мобил телефон кўпинча ёт мафкурани тарқатадиган қуролга айланмоқда» – Шавкат Мирзиёев 21 янв, 10:30 174
  • Пекин АҚШнинг “уйғурлар геноциди” ҳақидаги айбловларига жавоб қайтарди 21 янв, 10:01 298
  • Шахрам Ғиёсов жавоб берди: "Сенга ҳали бор"... 21 янв, 09:38 542
  • «Ювентус» 9-бор Италия Суперкубоги ғолибига айланди 21 янв, 09:00 178
  • Зидан мағлубиятдан сўнг нималар деди? 21 янв, 08:37 325
  • 3-дивизион клуби "Реал"ни Испания кубогидан чиқариб юборди! 21 янв, 08:33 308
  • Бўлимлар