Фото: Президент матбуот хизматиЎзбекистон Президенти Шавкат Мирзиёев 30 октябрь куни мамлакатда таълим-тарбия тизимини такомиллаштириш, илм-фан соҳаси ривожини жадаллаштириш масалалари муҳокамаси бўйича видеоселектор йиғилиши
ўтказди.
Йиғилишда давлат раҳбари томонидан таъкидланишича, бугунги кундаги энг асосий масала Халқ таълими вазирлигидаги вазият ҳисобланади.
«
Бир пайтлар жуда катта, яхши тизимимиз бор эди, таълим-тарбия, илм. Лекин, минг афсус, Ўзбекистондаги 50 йиллик тизим секин-секин йўқ бўлиб кетди, десак, тўғри бўлади. Агар биз мактабгача таълим, мактаб таълимини жой-жойига қўймас эканмиз, айтган режаларга эриша олмаймиз», — деди Шавкат Мирзиёев.
Президентнинг маълум қилишича, Халқ таълими вазирлигида ҳам моддий, ҳам маънавий жиҳатдан тубдан ўзгариш бўлади.
Давлат раҳбарининг қайд этишича, муаллимнинг, илмий ходимнинг, зиёлиларнинг, илмий-тадқиқот институтларининг обрўси биринчи даражага чиқарилмаса, қўйилган вазифаларга эришиб бўлмайди.
«
Ўзбекистонда адолат, иқтисодиёт, маънавият, маърифат нуқтаи назаридан ишонган кучим — муаллимлар, зиёлилар», — дея таъкидлади Президент.