«Замин»ни Telegram’да ўқинг! Join!
Zamin.uz
, 26 2020, 20:00
ЎЗO‘Z

Адлия вазирлигининг кенгайтирилган ҳайъат мажлиси ҳақида

24 окт, 23:15 796 Жамият
«Замин»ни Telegram’да ўқинг!
Адлия вазирлигининг кенгайтирилган ҳайъат мажлиси ҳақида 2020 йил 24 октябрь куни Ўзбекистон Республикаси Адлия вазирлигининг навбатдаги кенгайтирилган ҳайъат мажлиси бўлиб ўтди.
Унда Адлия вазирлигининг 2020 йилнинг 9 ой давомида амалга оширилган ишлар якуни, йўл қўйилган камчиликлар ва келгусида бажарилиши лозим бўлган устувор вазифалар муҳокама қилинди.

Ҳайъат мажлиси видеконференцалоқа шаклида ўтказилиб, унда адлия органлари ва муассасаларининг раҳбар ва масъул ходимлари иштирок этишди.

Қайд этилдики, сўнгги пайтларда адлия тизимининг аҳоли билан мулоқоти тубдан ўзгарди, интернет ва ижтимоий тармоқлар орқали аҳоли билан яқиндан мулоқот қилишнинг янги, замонавий ва таъсирчан шакллари амалиётга жорий этилди, инновацион янги лойиҳалар асосида замонавий тарғиботнинг ўзига хос кўринишлари яратилди.

Таъкидлаш жойизки жорий йилда Ўзбекистон Республикаси Президенти Ш.М.Мирзиёев томонидан адлия органлари фаолиятига алоҳида эътибор қаратилиб, соҳа фаолиятини такомиллаштиришга доир бир қатор фармон ва қарорлари қабул қилинди. Адлия органлари фаолияти тубдан ислоҳ қилиниб, вазирлик зиммасига қатор вазифалар юклатилди ҳамда вазирлик марказий аппаратида янги таркибий бўлинмалар ташкил этилди.

Фуқаролик-ҳуқуқий муносабатларни ривожлантириш, Маъмурий тартиб-таомилларни такомиллаштириш ва мониторингини юритиш, Халқаро рейтинг ва индекслар билан ишлаш ҳамда Тартибга солиш таъсирини баҳолаш бошқармалари шулар жумласидандир.

Шу билан бирга вазирликка бир қатор янги ваколатлар юклатилди. Мисол тариқасида:
• амалга оширилаётган маъмурий ислоҳотларнинг самарадорлиги ва натижадорлигини мониторинг қилиш, ушбу соҳада вазирлик ва идоралар ваколати ва функцияларининг тўлиқ ва сифатли амалга оширилаётганлиги ҳамда белгиланган мақсадларга эришилаётганлигини функционал таҳлил қилиш;
• қонун ҳужжатлари ва уларнинг лойиҳаларининг тартибга солиш таъсирини баҳолаш соҳасидаги фаолиятни мувофиқлаштириш ваколатларини келтириш мумкин.

Ўзбекистон учун устувор бўлган халқаро рейтинг ва индекслар бўйича самарадорликнинг энг муҳим кўрсаткичлари (KPI) тасдиқланди.
Халқаро “СERT International” ташкилоти томонидан Адлия вазирлигига ISO 37001:2016 халқаро стандарти берилди.

Адлия вазирлиги томонидан давлат ва жамият ҳаётининг муҳим масалаларини тартибга солишга қаратилган 142 та қонун ҳужжатлари, шу жумладан 31 та қонун лойиҳалари ишлаб чиқилди ҳамда 1 571 та қонун ҳужжатлари лойиҳалари ҳуқуқий экспертизадан ўтказилди.

Адлия тизимини аҳоли билан мулоқоти тубдан ўзгарди, интернет ва ижтимоий тармоқлар орқали аҳоли билан яқиндан мулоқот қилишнинг янги, замонавий ва таъсирчан шакллари амалиётга жорий этилди. Келиб тушган жами 67 минг 142 та мурожаатларнинг 85 фоизи қонуний ҳал этилди.

Аҳолининг ҳуқуқий онги ва ҳуқуқий маданиятини ошириш мақсадида 206 мингдан ортиқ ҳуқуқий тарғибот тадбирлари ўтказилди
Давлат хизматлари марказлари соҳасида ислоҳотлар ҳам самарали давом эттирилди. Улар томонидан 5 млн. 773 мингдан ортиқ хизматлар кўрсатилди.

Ҳайъат мажлисида асосий эътибор мавжуд хато ва камчиликлар ҳамда уларнинг илдизларини пухта танқидий таҳлил қилишга, фаолиятдаги муаммоларни очиқ-ошкора муҳокама қилишга қаратилди.

Хусусан, аҳолига ҳуқуқий хизмат кўрсатиш ишларини ташкил қилишда айрим тизимли муаммолар мавжудлиги, давлат хизматлари марказлари ходимлари томонидан фуқароларга хизмат кўрсатишда жиддий камчиликлар кўзга ташланаётганлиги, туман (шаҳар) адлия бўлимлари ўзларига юклатилган вазифаларни бажаришга жиддий ёндашмаётганлиги, аҳоли билан тўғридан-тўғри мулоқот қилиш, халқ ичига кириб бориш фаолияти талаб даражасидан анча йироқлиги, айрим ҳудуддаги аҳоли адлия бўлимлари фаолияти ташкил этилганлигидан бехабар эканлиги, соҳани такомиллаштириш ва аҳолига қулайликлар яратишдаги муаммоларни ҳал этишда раҳбарларда шахсий ташаббус ва талабчанликнинг етарли бўлмаётганлиги, мавжуд амалиётни яхшилаш юзасидан аниқ мақсадга йўналтирилган таклифларни ишлаб чиқиш ва уларни оммалаштириш бўйича ишлар қониқарсиз олиб борилаётганлиги алоҳида қайд этилди.

Мажлис кун тартибидаги масала бўйича, вазир ўринбосарлари, марказий тармоқ раҳбарлари, жойлардаги адлия органлари ва муассасалари раҳбарларининг ҳисоботлари ҳамда адлия органлари фахрийларининг таклиф ва тавсиялари эшитилди.

Шу мақсадда, адлия органлари раҳбарлари томонидан ушбу соҳада тизимли назоратни таъминлаш ва янада кучайтириш, ходимларнинг масъулиятини ва уларнинг касб-одоб қоидаларига қатъий риоя этиш бўйича шахсий жавобгарлигини ошириш, хизмат кўрсатувчи идоралар фаолиятини тизимли равишда назоратда ушлаб туриш, жамоатчилик гуруҳлари ёрдамида “сирли мижоз” тадбирларини кенг амалга ошириш, жамоат назоратини кучайтириш ҳамда тегишли масалаларни соҳа мутахассислари билан маслаҳат қилиш орқали ҳал қилиш белгилаб олинди.

Ҳайъат мажлисида адлия идораларининг фуқаролар билан ўзаро муносабатлари шаффофлашувига йўналтирилган ислоҳотлар “Илм, маърифат ва рақамли иқтисодиётни ривожлантириш йили”да янада кенг қамров касб этиши яна бир бор таъкидлаб ўтилди.

Адлия вазирлиги
Жамоатчилик билан алоқалар бўлими




 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Норматив-ҳуқуқий ҳужжатлар лойиҳалари муҳокамаси порталининг янги версияси тақдимоти ўтказилди 13 окт, 08:45
  • Адлия вазирлиги ва TIKA давлат ва юридик хизматларни рақамлаштириш соҳасидаги қўшма лойиҳаларни амалга оширишни режалаштирмоқда 01 сен, 17:17
  • Адлия органларида аттестация: 10 нафар ходим лавозимига нолойиқ деб топилди 04 мая, 07:13
  • Адлия вазирлиги ўз тизимидаги коррупцияга қарши аҳоли ёрдамида курашмоқчи 22 мар, 11:43
  • Президент администрациясида янги тайинловлар 18 окт, 10:20
  • Ўзбекистонда 15 та туман адлия бўлими бошлиқлари ишдан олинди 10 сен, 11:28
  • Сўнгги янгиликлар
  • Обама мемуарида дунё сиёсати етакчилари ҳақида нималар ёзди? 26 ноя, 19:36 85
  • Пешоб тута олмаслик: сабаблари ва профилактикаси 26 ноя, 19:00 259
  • Россия ракетага қарши янги тизимни синовдан ўтказди 26 ноя, 18:34 348
  • Оёқ ҳидланишининг сабаб ва ечимлари 26 ноя, 18:00 538
  • Вилоят ҳокими: «Қашқадарё коррупция энг кўп қайд этилган ҳудуд дея топилган» 26 ноя, 17:30 334
  • Комил Алламжоновдан сирли муносабат: «Эххх... No comment...» 26 ноя, 17:00 670
  • Чинозда 5 минг тонналик ёқилғи цистернасида ёнғин чиқди 26 ноя, 16:32 279
  • Тошкент вилоятида ноқонуний пиротехника ва дори воситалари ушлаб қолинди 26 ноя, 16:05 191
  • Қўқонда 300 долларини сўмга алиштириб беришини айтиб, ўсмирни алдаб кетган шахслардан бири қўлга олинди 26 ноя, 15:33 333
  • «Тўхташ тақиқланади» белгиси остида қолдирилган ИИБга қарашли Lacetti ҳамда Captiva’га жарима белгиланди (видео) 26 ноя, 15:04 594
  • Жиззахда чуқурлиги 19 метр бўлган қудуққа тушиб кетган 69 ёшли аёл қутқариб олинди 26 ноя, 14:33 554
  • Энергетика вазиридан истеъфо масаласи сўралди 26 ноя, 14:02 883
  • Бўлимлар