«Замин»ни Telegram’да ўқинг! Join!
Zamin.uz
, 28 2020, 11:06
ЎЗO‘Z

«Бир фикрни ҳамиша катта армон билан ўйлайман» — Президент ўқитувчи ва зиёлиларга мурожаат қилмоқда (фото)

30 сен, 16:44 1 301 Ўзбекистон
«Замин»ни Telegram’да ўқинг!
«Бир фикрни ҳамиша катта армон билан ўйлайман» — Президент ўқитувчи ва зиёлиларга мурожаат қилмоқда (фото) Тошкентдаги Халқаро конгресс марказида 1 октябрь – Ўқитувчи ва мураббийлар кунига бағишланган тантанали маросим бошланди. Бу ҳақда давлат раҳбарининг матбуот хизмати хабар бермоқда. Тадбирда Ўзбекистон Республикаси Президенти Шавкат Мирзиёев иштирок этмоқда.

Таъкидлаш жоизки, ушбу байрам илк бор давлат раҳбари иштирокида ўтяпти. Бу – таълим ва тарбия масаласи алоҳида устувор йўналиш даражасига кўтарилганининг яққол далили.

– Биз ҳар биримиз ҳаётда қандай муваффақият ва натижаларга эришган бўлсак, бу ютуқларда сизларнинг беқиёс ҳиссангиз борлигини доимо миннатдорлик билан эътироф этамиз, – деди Шавкат Мирзиёев тадбирга йиғилган ўқитувчи ва зиёлиларга мурожаатини бошлар экан.

Ҳақиқатан ҳам, инсон тарбиясида, камолотида устозларнинг хизматлари улуғ. Бу йилги пандемия билан боғлиқ қийин шароитда ҳам жонкуяр ўқитувчилар ўз ишини давом эттирмоқда. Аксарият мактабларда янги ўқув йили бошланди. “Онлайн мактаб” лойиҳаси ва масофавий таълим йўлга қўйилди. Таъбир жоиз бўлса, бугун ўқитувчилар иккита фронтда кураш олиб бормоқда.

Яна бир эътиборли жиҳати, бу йилги табрик ҳам аввалгилардан фарқ қилиб, мурожаат тарзида бўлмоқда.
Президент тарихга назар солиб, IX-XII асрларда юртимиз ҳудудида биринчи, XV асрда иккинчи Ренессанс порлаганини таъкидлади.

— Кўпчилик зиёлилар қаторида мен ҳам бир фикрни ҳамиша катта армон билан ўйлайман: мамлакатимизда учинчи Ренессансни ХХ асрда маърифатпарвар жадид боболаримиз амалга оширишлари мумкин эди. Улар «Илмдан бошқа нажот йўқ ва бўлиши ҳам мумкин эмас», деган ҳадиси шарифни ҳаётий эътиқод деб билдилар, — дея таъкидлади Президент.

Ўқитувчи ва мураббийлар байрами муносабати билан имзоланган фармонга мувофиқ, халқимизнинг озодлиги ва фаровон ҳаётини таъминлаш йўлида фидокорлик кўрсатиб, миллий таълим ва тарбия тизимини яратишга беқиёс ҳисса қўшган Абдулла Авлоний, Маҳмудхўжа Беҳбудий ва Мунавварқори Абдурашидхонов «Буюк хизматлари учун» ордени билан тақдирлангани маълум қилинди.

Шавкат Мирзиёев Ўзбекистонда янги Уйғониш даври, яъни учинчи Ренессанс пойдеворини яратиш асосий мақсад қилиб белгиланганини таъкидлади.

— Буюк аждодларимизнинг бетакрор ва ноёб илмий-маънавий мероси биз учун доимий ҳаракатдаги ҳаётий дастурга айланиши керак, — деди Президент. — Бу ўлмас мерос ҳамиша ёнимизда бўлиб, бизга доимо куч-қувват ва илҳом бағишлаши лозим. Авваламбор, миллий таълим тизимини ана шундай руҳ билан суғоришимиз керак.

Байрам тадбирида ўқитувчи ва мураббийлар, олимлар, парламент ва ҳукумат вакиллари иштирок этмоқда. Шунингдек, ҳудудлардаги соҳа фидойилари маросимни Қорақалпоғистон ва вилоятлардаги студиялардан кузатиб боряпти.




 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Президент: Ўзбекистондаги демократик жараёнлар энди орқага қайтмайдиган, муқаррар тус олди 01 сен, 08:55
  • Шавкат Мирзиёев қисқа муддатли меҳнат таътилига чиқди 05 авг, 08:53
  • Шавкат Мирзиёев ўқитувчи ва мураббийларга табрик йўллади 28 сен, 22:50
  • Шавкат Мирзиёев аёлларни байрам билан табриклади 07 мар, 19:50
  • Шавкат Мирзиёев Ислом Каримов таваллудининг 80 йиллигини нишонлаш юзасидан йиғилиш ўтказди 17 янв, 15:59
  • Президент Шавкат Мирзиёев янги — 2017 йилга ном берди 07 дек, 23:21
  • Сўнгги янгиликлар
  • Банк кассаларининг иш тартиби ўзгартирилди 28 окт, 10:30 1
  • «Реал» сўнгги дақиқаларда мағлубиятдан қутилиб қолди. ЕЧЛнинг 2-тур натижалари 28 окт, 09:55 18
  • 5та ОТМ бакалавриатга кириш имтиҳонларини мустақил ўтказади 28 окт, 09:30 125
  • Арманистонда контрразведка бошлиғи ва чегара қўшинлари қўмондони ишдан олинди 28 окт, 09:00 175
  • Ўзбекистонда қандай беморлар орасида коронавирусдан ўлим ҳолати кузатилмоқда? 28 окт, 08:32 258
  • Коронавирус қачон янада юқумли бўлиши ва оғир асоратларга олиб келиши мумкин? 28 окт, 08:03 330
  • Организмда COVID-19нинг аломатларсиз кечиши нимага боғлиқ эканлиги маълум бўлди 28 окт, 07:33 578
  • Зиданга янги иш жойи топилди 28 окт, 07:00 566
  • Россияда коронавирусга қарши иккинчи вакцинани ишлаб чиқариш бошланди 28 окт, 00:30 382
  • Ўқишни бошлаш бўйича қарор қабул қилиш ваколати ОТМнинг ўзида қолдирилиши мумкин 28 окт, 00:05 335
  • Алмазбек Атамбоев тергов изоляторидан ахлоқ-тузатиш колониясига ўтказилади 27 окт, 23:37 491
  • Вадим Абрамов "Навбаҳор" футболчиларига: Ўйнагиси келмаса, майдонга тушиб нима қилади? 27 окт, 23:15 655
  • Бўлимлар