«Замин»ни Telegram’да ўқинг! Join!
Zamin.uz
, 27 2020, 20:15
ЎЗO‘Z

Тошкентдаги «Ёшлик» аренасида ташкил этилган 520 койкали Саралаш маркази беморлар билан батамом тўлди

21 сен, 10:48 986 Жамият
«Замин»ни Telegram’да ўқинг!
Тошкентдаги «Ёшлик» аренасида ташкил этилган 520 койкали Саралаш маркази беморлар билан батамом тўлди Тошкент шаҳрида коронавирусга чалинган ёки вирусни юқтириб олганликда гумон қилинган беморларга тиббий ёрдам кўрсатиш мақсадида ташкил этилган Саралаш ва тақсимлаш марказларида бўш ўринлар сони тобора камайиб бормоқда. Бу ҳақда мутахассислар берган маълумотларга асосланиб, 19 сентябрь, шанба куни «Ўзбекистон 24» телеканали хабар берди.

Август ойи бошида Тошкентдаги «Пахтакор» стадиони ёнида жойлашган «Ёшлик» спорт аренасида 520 ўринли Саралаш ва тақсимлаш маркази ташкил этилгани ҳақида хабар берилган эди. Марказ шифокорларидан бири Шоҳрух Ўроловнинг таъкидлашича, 19 сентябрь ҳолатига кўра марказ «касаллар билан батамом тўлиб бўлган, умуман жой қолмаган».

«Шу кунларда қабулимизни ёпишга ҳам тўғри келяпти — бир кун қабул қиляпмиз, бир кун ёпяпмиз», — дейди шифокор. Унинг қўшимча қилишича, «Ёшлик»даги марказга асосан иситмаси кўтарилган, йўтал пайдо бўлган, бундан ташқари, турли хусусий клиникаларда МСКТда пневмонияси аниқланган беморлар мурожаат қилмоқда.

Марказга бириктирилган тез ёрдам ҳайдовчиларидан бири Бахтиёр Нишонбоевнинг сўзларига кўра, беморлар сони «олдингига қараганда кўпайган». «Кечга томон кўп бемор келади. Кўпроқ ёши катталар келяпти. Тўғри, биз уларнинг хизматидамиз, лекин одамлар ўзини асрагани яхши», — дейди ҳайдовчи (аввалроқ Соғлиқни сақлаш вазирлиги расмийлари Тошкент шаҳрида тез ёрдамга қўнғироқлар сони сезиларли кўпайганини маълум қилган эди).

«Ўзбекистон 24» телеканали мухбирининг алоҳида қайд этишича, беморларнинг бу марказга келиб қолишлари сабаби бир хил: «Уйда ўзбошимчалик билан даволаниб, аҳволлари оғирлашиб қолганидан сўнг шифокорга мурожаат қилган». Марказнинг бошқа бир шифокори Баҳром Аллаёров ҳам мухбирнинг бу сўзларини беморлардан бири мисолида тасдиқлаб, аҳволининг оғирлашганига беморнинг ўзини айбдор қилиб кўрсатган.

«Бу киши касаллик белгилари пайдо бўлганидан кейин ҳам уй шароитида даволанишга ҳаракат қилган. Оқибатда аҳволи оғирлашган, шу боис марказимизга мурожаат қилиб келган. Даво муолажаларини бошладик. Бу касаллик ёш-у қарини танламайди. Кимки карантин қоидаларига амал қилмай, сусткашликка йўл қўйса, касалликни юқтириб оладиган бўлса, мана шундай оғир асоратларга, оғир оқибатларга олиб келиши мумкин», — деган шифокор Аллаёров.

Аввалроқ июль ойи охирида Тошкентда шаҳар ҳокимлиги томонидан «Ўзэкспомарказ»нинг 3-павильонида 1000 ўринли, Мудофаа вазирлиги томонидан «Ўзэкспомарказ»нинг 1—2-павильонларида 814 ўринли, ДХХ томонидан «Ёшлик» спорт аренасида 520 ўринли, ИИВ томонидан Юнусободдаги Универсал спорт саройи (Гимнастика мажмуаси)да 750 ўринли Саралаш ва тақсимлаш марказлари ташкил этилгани ҳақида хабар берилган эди.

Фото: Соғлиқни сақлаш вазирлиги
Бундан ташқари, Сергелидаги 2-болалар ва ўсмирлар спорт мактаби базасида 250 ўринли ва Учтепа туманидаги Аtlas савдо мажмуаси негизида 1004 ўринли саралаш марказлари ташкил этилаётгани ҳақида хабар берилган эди. Шу каби саралаш ва тақсимлаш марказлари Ўзбекистоннинг бошқа ҳудудларида ҳам кўргазма заллари ва спорт мажмуалари ҳудудида ташкил этилган.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • COVID-19 марказида ишлаш учун пул талаб қилганлар қўлга тушди 13 сен, 22:05
  • Ўзида коронавирус аломатларини сезган бемор қаерга мурожаат қилиши керак? 06 авг, 11:13
  • Сурхондарё ва водий вилоятларидаги пандемик вазият алоҳида хавотир уйғотмоқда — Беҳзод Мусаев 26 июл, 17:55
  • Тошкентдаги 74та поликлиника кеча-ю кундуз ишлаш режимига ўтказилди — Барно Одилова 21 июл, 21:36
  • Президент: «Коронавирусга чалинган беморлар орасида 11 нафар шифокор бор» 26 мар, 20:24
  • 1003 колл-маркази: коронавирус ҳақида ўзбекистонликлар энг кўп сўраётган саволлар қайси? 17 мар, 08:13
  • Сўнгги янгиликлар
  • "Навбаҳор" 11 ўйинлик ғалабасиз серияга "Бунёдкор" билан ўйинда барҳам берди 27 окт, 19:53 24
  • Hyundai ўзининг энг кичкина электрокарини намойиш этди 27 окт, 19:23 98
  • «Браҳма узуги» Гиннеснинг рекордлар китобидан жой олди 27 окт, 18:52 204
  • Назорат касса машинасидан харид чеки бермаган корхонага нисбатан молиявий жарима қўлланилди 27 окт, 18:18 108
  • Янги таҳрирдаги Меҳнат кодексининг ишлаб чиқилиши зарурияти нимада эди? 27 окт, 17:43 140
  • Амир Темур ва бошқа темурийларнинг қабрлари очилиши (фото) 27 окт, 17:00 320
  • Савол ҳамон муаллақ: пандемия — кимга аза, кимга маз-за?! 27 окт, 16:16 358
  • Жалақудуқда ота алимент пуллари ўрнига уй совға қилди 27 окт, 15:30 197
  • Коронавирусга чалинган беморлар бизга айтишни истайдиган 8 тавсия 27 окт, 14:30 351
  • Иммунитетни кўтариш қобилиятига эга бўлган 5 та маҳсулот 27 окт, 13:30 507
  • Facebook сайловлар туфайли АҚШда содир бўлиши мумкин бўлган тўқнашувларга тайёрланмоқда 27 окт, 12:43 264
  • Коронавирус туфайли одамлар кўпинча ҳид сезмай қолади. Бу узоқ давом этадими? 27 окт, 12:06 498
  • Бўлимлар