Ўзбекистондаги умумтаълим мактабларининг 1-синфига 18 августга қадар 578 710 нафар ўқувчининг ҳужжати қабул қилинди. Халқ таълими вазирлигининг хабарига кўра, бу 2020/2021-ўқув йили учун қабул режасининг 90 фоизидир.Шундан халқ таълими тизимидаги мактабларга 577 304 нафар бола, бошқа вазирлик тасарруфидаги мактабларга 103 нафар ва 1303 нафари нодавлат мактабларга қабул қилинган. Ўқувчиларнинг аксарияти — 96,4 фоизи ўз микроҳудудидан қабул қилинган (558 140 нафар бола).
Қайд этилишича, 2020/2021-ўқув йили йилида Халқ таълими вазирлиги 650 116 нафар ўқувчини қабул қилишни режалаштирган. Қабул жараёни 25 августга қадар давом этади.
Тошкент шаҳрида тажриба-синов тариқасида илк маротаба 1-синфга борадиган ўқувчиларнинг ҳужжат топшириш жараёни «qabul.maktab.uz» орқали онлайн навбат асосида амалга оширилмоқда.