«Замин»ни Telegram’да ўқинг! Join!
Zamin.uz
, 21 2020, 17:33
ЎЗO‘Z

Эҳтиёт бўлинг! Telegram’да фирибгарлар пайдо бўлди!

08 авг, 07:55 1 945 Технология
«Замин»ни Telegram’да ўқинг!
Эҳтиёт бўлинг! Telegram’да фирибгарлар пайдо бўлди! Ижтимоий тармоқларда турли телефон рақамларига махфий кодлар воситасида ахборотларни ўғирлаш мақсадида фирибгарларнинг ҳужумлари кузатилгани ҳақида хабарлар тарқалганди. Журналист ва блогерлар ўз акаунтларини бузишга уринишлар бўлгани ҳақида ёзишди.

«Ўзкомназорат» давлат инспекцияси ушбу хабарлар юзасидан қуйидагича муносабат билдирди:
Ўзбекистонда Telegram фойдаланувчиларининг аккаунтларига кириб олиб, шахсий маълумотларни ўғирлаш ёки аккаунтни қайтариб бериш эвазига мўмай пул ишлашга уринаётган мобил фирибгарлар пайдо бўлди. Бу ҳақида ижтимой тармоқ фойдаланувчилари маълум қилган.

Фирибгарлик схемасига кўра, фойдаланувчига мобил алоқа операторининг расмий рақамидан қўнғироқ қилиниб COVID-19 коронавирус инфекцияси ҳақида ўта содда ва жавоби осон саволлар бериладиган қисқа викторина ўтказилади. Ғолибга пул ўтказиб бериш ваъда қилинади. «Ўлжа» ютуғини олиши учун Telegram’га келган махфий кодни айтиши лозим. Мессенжерга келган сирли рақам айтиш, фирибгарларнинг аккаунтга кириб олишига шароит яратади. Блогер ёки канал администраторининг аккаунтига кириб олган фирибгар у ердаги маълумотларни ошкор қилмаслик учун пул талаб қила бошлайди. Оқибатда ўзини викторина ғолиби бўлдим деб ўйлаган фойдаланувчи фирибгарлик қурбонига айланади.

Мутахассислар тавсиясига кўра, бу каби ҳолатларнинг олдини олиш учун Telegram’да икки томонлама аутентификацияни ўрнатиш зарур. Бу Telegram’дан келган махфий рақамдан ташқари аккаунт паролини ҳам киришни сўрайдиган ҳимоя тизими.

Юқоридаги ҳолатларга ўхшаш фирибгарлик схемалари МДҲга аъзо бошқа мамлакатлар ҳудудларида ҳам кузатилмоқда.

«Ўзкомназорат» давлат инспекцияси Telegram фойдаланувчиларидан ахборот хавфсизлиги бўйича юқоридаги тавсияларга риоя қилишни, телефон орқали бегона рақамдан қўнғироқлар бўлиб шубҳали викториналар ўтказилиш ҳолатлари кузатилганида, мессенжер орқали махфий кодлар юборилиб, уларни айтиш сўралганида бегоналарга ушбу маълумотни ошкор этмасликни, фирибгарлик схемаларидан огоҳ бўлишни сўрайди.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Telegram гуруҳли видеоқўнғироқлар пайдо бўлиши ҳақида хабар берди 25 апр, 15:25
  • WhatsApp мессенжерида Telegram’дагидек каналлар пайдо бўлди 02 июл, 12:06
  • Индонезия ҳукумати Telegram’га мамлакат ҳудудида ишлашга имкон беради 01 авг, 16:19
  • Telegram'нинг десктоп версиясида аудио-қўнғироқлар пайдо бўлди 10 мая, 13:34
  • Telegram’да қўнғироқ қилиш имконияти пайдо бўлди 31 мар, 08:08
  • “Beeline” еноти Telegram'да яшамоқда 28 мая, 11:36
  • Сўнгги янгиликлар
  • «UzAvto Motors» машина нархини туширмаслик учун судга арз қилди 21 сен, 17:30 0
  • Шавкат Мирзиёев: «Ўктамжон забардаст, фидойи, ватанпарвар инсон эди...» 21 сен, 17:00 1
  • Қирғизистоннинг Ўш вилоятида оммавий муштлашув содир бўлди 21 сен, 16:30 2
  • Ўзбекистон фуқаролигини олиш онлайн-режимга ўтказилади 21 сен, 16:00 1
  • Байден адашиб 200 миллион кишини «кўмиб юборди» 21 сен, 15:30 221
  • Вакцина кимларга мумкинмас? 21 сен, 15:00 301
  • Драган Черан "Шабаб Ал Аҳли"га қарши ўйин ҳақида: Биз икки очко йўқотдик 21 сен, 14:30 155
  • Ўзбекистонда долларнинг расмий курси 10 минг 300 сўмдан ошди 21 сен, 14:00 143
  • 22 сентябрь куни Ўзбекистонда кутилаётган об-ҳаво маълумоти 21 сен, 13:20 459
  • Трампга заҳарли модда жўнатишда гумон қилинган шахс қўлга олинди 21 сен, 12:38 507
  • АҚШ Европадан ядро қуролини олиб чиқишдан бош тортди 21 сен, 12:05 425
  • Британияда карантинни бузганлик учун 10 минг фунт стерлинггача жарима белгиланди 21 сен, 11:30 185
  • Бўлимлар