“Уфа” клубида тўп сураётган ҳамюртимиз Остон Ўрунов тез орада Москванинг “Спартак” клуби билан шартнома имзолайди."Чемпионат" нашри тарқатган хабарга кўра, клублар деярли келишувга эришиб бўлган. Ҳозирда москваликлар ўзбекистонлик футболчи билан шахсий шартнома борасида музокаралар ўтказмоқда.
Айтиш керакки, 19 ёшли Ўруновнинг айни дамдаги трансфери 900 минг еврога баҳоланмоқда. У жорий мавсум “Уфа” сафида 10 та ўйинда майдонга тушди. Унинг бошқирдистонликлар билан амалдаги шартномаси 2024 йилга қадар имзоланган.