Фото: Reuters Қирғизистонда Covid-19 ва касалхонадан ташқари зотилжамга оид алоҳида юритилаётган статистика бирлаштирилди. Статистика юритишдаги ўзгаришларга кўра, иккита код киритилди: U07.1 — Лабораторияда ПЗР+ билан тасдиқланган Covid-19 ва U07.2 — клиник-эпидемиологик Covid-19 (касалхонадан ташқари зотилжам).
Республика штабининг хабар беришича, статистика бирлаштирилиши натижасида ўтган суткада Covid-19 U07.1 ва U07.2 кўрсаткичлари мамлакат бўйлаб қуйидагича қайд этилган: Бишкек шаҳри - 613 Ўш шаҳри – 67 Чуй области – 272 Ўш области - 125 Талас области – 76 Норин области – 39 Иссиқкўл области – 234 Жалолобод области – 134 Боткен области – 94 Жами — 1654 ҳолат.
Шу пайтгача Covid-19 юқтирганлар сони 23 783 нафарга етди.
Касалхонадан ташқари зотилжам ҳисобга олинганда Covid-19’дан вафот этганларнинг суткалик сонида ҳам ўзгариш бўлди: Бишкек шаҳри – 33 Чуй области – 7 Ўш области – 9 Талас области – 2 Норин области – 3 Иссиқкўл области – 17 Жалолобод области – 11 Боткен области – 1 Бир суткада вафот этганлар сони: 83 нафар. Жами шу кунгача: 785 нафар