Фото: SpacetelescopeГавайи университети Астрономия институти олимлари улкан космик «девор»ни аниқлади. Бу ҳақда The Astrophysical Journal журнали хабар берди.
Улкан космик тузилма Жанубий қутб девори номини олган. У диаметри 520 миллион ёруғлик йилига тенг Ланиакея галактикалар тўдасининг ортида жойлашган бўлиб, уни яримшар шаклида ўраб туради.
Олдинлари кузатувлар вақтида деворни кўришга улкан газ-чанг булутлар халақит берган. Астрономлар унинг тузилмасини галактикалар тезлигига таъсир кўрсатадиган гравитацион тортишиш эффекти сабаб «ҳисоблаб олишга» муваффақ бўлган.
Астрономларнинг таъкидлашича, космик объектнинг энг зич қисми Жанубий қутб йўналишида жойлашган. У осмон сферасида 200 даражага ёйилган ва Ер билан унинг орасидаги масофа ярим миллиард ёруғлик йилига тенг.
Галактикалар тўдаси секин-аста коинотдаги энг массив галактикалар тўдаси — Шепли томон ҳаракатланмоқда.