Facebook SDK томонида кузатилаётган кенг миқёсдаги «қотиб қолиш»лар ва секинлашишлар оқибатида iOS'даги қатор оммавий иловалар фаолияти ҳам тўхтаб қолди. Бу ҳақда Яндекс ва бошқа платформалар маълум қилган.Маълумки, таҳлил қилиш, таргетлаш ва фойдаланувчиларни авторизациядан ўтказиш учун кўплаб иловаларда Facebook SDK'дан фойдаланилади.
Бундай нуқсонлар бутун дунёдаги TikTok, Spotify, Pinterest, Tinder, Viber фойдаланувчилари, Яндекс ва бошқа компаниялар сервис хизматларига ҳам салбий таъсир кўрсатган.
Маҳсулотлари Facebook SDK билан боғлиқ бўлган компаниялар мутахассислар эса ушбу муаммони бартараф этиш устида иш олиб боришяпти.
Facebook раҳбарияти ҳам мазкур муаммони билиши ва унинг сабабини топиш устида иш олиб борилаётганини билдирган. Шунга ўхшаш ҳолат май ойида ҳам кузатилган, аммо камчиликлар ўша куннинг ўзида бартараф этилганди.
Манба: Xs.uz